സഖാവ്‌ കനുസന്യാല്‍, നിന്‍റെ മരണത്തിനും ഉണ്ട്‌ മഹത്വം

ഇന്ത്യയുടെ മണ്ണില്‍
വിപ്ളവസമരങ്ങള്‍ ഏറെ നടന്നിട്ടുണ്ട്‌.
എന്നാല്‍ ഇന്ത്യന്‍ മണ്ണിനെ
അടിമുടി ഇളക്കിമറിച്ചത്‌ രണ്ടുതവണ
വിപ്ളവത്തിനായ്‌ കുതികൊണ്ടത്‌
ഒറ്റതവണ

ഇന്ത്യന്‍ വിപ്ളവത്തിന്‌
രണ്ടു നേതാക്കന്‍മാര്‍
ചാരുമജുംദാറും കനുസന്യാലും

ഇന്ത്യന്‍ വിപ്ളവത്തിന്‌
ഒരേ ഒരുവഴി
നക്സല്‍ബാരി വഴി

വഴിയില്‍ പൊരുതിമരിച്ചവര്‍
ഒരുപാടുപേര്‍
വഴിയില്‍ പിന്തിരിഞ്ഞു നടന്നവര്‍
കരയിലിരുന്ന്‌ ന്യായം പറഞ്ഞവര്‍
അതിലും എത്രയോ പേര്‍
ആവേശങ്ങളില്‍ രോമാഞ്ചം കൊണ്ടവര്‍
തത്വചിന്താ ചര്‍ച്ചകളില്‍
സ്വയം ചത്തൊടുങ്ങിയവര്‍
ഗ്രാമങ്ങളില്‍ പോകാത്തവര്‍
‍നഗരങ്ങളെ വളയാത്തവര്‍

സഖാവേ
നീ ആര്‍ക്കും കീഴ്പ്പെട്ടില്ല
നിന്‍റെ തെറ്റുകളെ
നീ നെഞ്ചുവിരിച്ചുതന്നെ കണ്ടു.

പരാജയങ്ങള്‍ക്ക്‌
പിന്‍മടക്കക്കാര്‍ക്ക്‌
ഒറ്റുകാര്‍ക്ക്‌
പ്രലോഭനങ്ങള്‍ക്ക്‌
വെടിയുണ്ടകള്‍ക്ക്‌
തടവറകള്‍ക്ക്‌
കരുതലോടെ മറുപടി നല്‍കി

ഇന്ത്യ ഒരിക്കല്‍ മോചിതയാവും
എന്നുതന്നെ ഉറച്ചു വിശ്വസിച്ചു
തടവറകളിലും ഗ്രാമങ്ങളിലും
നീ വിപ്ളവം മാത്രം ശ്വസിച്ചു

സാന്താളുകള്‍ക്കൊപ്പം ചിരിച്ചുകൊണ്ട്‌
ഉത്കണ്ഠപ്പെട്ടുകൊണ്ട്‌
നിതാന്ത ജാഗ്രതയോടെ
പോരാട്ടങ്ങളെ പിന്തുണച്ചു
മരണം വരെ

സ്വന്തം മരണം പോലും
എങ്ങനെയാവണം എന്നു നീ നിശ്ചയിച്ചു
നിന്നെ കാര്‍ന്നുതിന്നാന്‍ വന്നരോഗത്തെ
നീ തോല്‍പിച്ചുകളഞ്ഞു

മരണത്തിലും നീ
നിശ്ചയ ദാര്‍ഢ്യവും, കരുത്തും
സമചിത്തതയും
കാത്തു സൂക്ഷിച്ചു

സഖാവേ
നിന്‍റെ മരണത്തിനും ഉണ്ട്‌ മഹത്വം
ഊഷ്മള അഭിവാദനങ്ങള്‍...

Comments

  1. സഖാവേ
    നിന്‍റെ മരണത്തിനും ഉണ്ട്‌ മഹത്വം
    ഊഷ്മള അഭിവാദനങ്ങള്‍

    ReplyDelete
  2. ഓര്‍മ്മകള്‍ അയവിറക്കി, അത് മാധ്യമങ്ങള്‍ക്കും ചാനലുകള്‍ക്കും വിറ്റും വിളമ്പിയും തുലക്കാതെ, ഇനി തന്നെക്കൊണ്ട് അധികമൊന്നും ചെയ്യാനില്ലെന്ന് തിരിച്ചറിഞ്ഞ്, സ്വയം മരണത്തെ സ്വീകരിച്ച ആ വിപ്ലവകാരിയുടെ ഓര്‍മ്മക്കുമുന്നില്‍ ആദരാഞ്ജലികള്‍. അഭിവാദ്യങ്ങളോടെ

    ReplyDelete
  3. ജീവിക്കാന്‍ ബുദ്ധിമുട്ടില്ലാത്ത കുടുംബ ചുറ്റുപാടുകള്‍ ഊണ്ടായിരുന്നിട്ടും ആ സഖാവ് നിസ്വരുടെ മോചനത്തിനായി ജീവിതകാലം മുഴുവന്‍ പോരാടി.
    ത്യാഗനിര്‍ഭരമായ ജീവിതം .


    പക്ഷെ ഒരു സംശയം
    എന്തു നേടി?
    അടിമത്തത്തില്‍ കഴിയുന്ന ഇന്ത്യന്‍ ജനതയ്ക്ക് എന്തെങ്കിലും ആശ്വാസം നല്‍കാന്‍ , അതല്ലെങ്കില്‍ തുടര്‍ന്നങ്ങോട്ട് പൊരുതി മുന്നേറാന്‍ ഭാവിയുള്ള പ്രസ്ഥാനത്തെ ഉണ്ടാക്കിക്കൊടുക്കാനെങ്കിലും വഴിതെറ്റിപ്പോയ നക്സലിസത്തിന്‌ കഴിഞ്ഞോ എന്ന ചോദ്യം ബാക്കിയാവുന്നില്ലേ ?

    സഖാവ് കനു സന്യാലിന്‌ ചുവപ്പന്‍ അഭിവാദ്യങ്ങള്‍

    ReplyDelete
  4. "സഖാവേ..നിന്‍റെ മരണത്തിനും ഉണ്ട്‌ മഹത്വം
    ഊഷ്മള അഭിവാദനങ്ങള്‍..."

    ഭാനു, ഞാനിപ്പോള്‍ കനുസന്യാനെ സല്യൂട്ട് ചെയ്യുന്നു.

    ReplyDelete

Post a Comment

Popular posts from this blog

ആരാണ് രക്തസാക്ഷി?

പ്രണയം വിപ്ലവമാണ്

സ്നേഹം എന്നാല്‍ എന്താണ്?