കാര്‍വര്‍ണ്ണന്‍

ഞാന്‍ കാര്‍വര്‍ണ്ണന്‍
വിഷശരമേറ്റ വ്രണിതഹൃദയന്‍.
യുഗങ്ങളില്‍ നിന്നും യുഗങ്ങളിലേക്ക്‌
നിലവിളി മാത്രമായി പ്രയാണം ചെയ്തവന്‍.
ചുട്ടുപൊള്ളുന്ന ഭൂമിയില്‍
കാലിക്കൂട്ടത്തെ കൈവിട്ട ഇടയന്‍.
കാട്ടുതീ പടര്‍ന്ന നെഞ്ചില്‍
പാട്ടിന്‍റെ കിളിക്കൂട്‌
ദഹിച്ചു പോയതറിയാത്ത പാട്ടുകാരന്‍.
കൈവിട്ട നാടകത്തിന്‍റെ ദുരന്താന്ത്യമായി
അരങ്ങില്‍ ഏകനായ സൂത്രധാരന്‍.
പ്റേമത്തിന്‍റെ പൊരുളറിയാത്ത
നിത്യകാമുകന്‍.
സമതലങ്ങളിലെ ഉഷ്ണക്കാറ്റിന്‌
വലംകൈ കൊടുത്ത്‌
ചെങ്കുത്തായ മലകള്‍ക്കും
വരണ്ട കാട്ടുചോലകള്‍ക്കും മീതെ
ചുഴന്നിറങ്ങിയ കെടുതിയുടെ ചുഴലി.
ഞാന്‍ കരിമുകില്‍ വര്‍ണന്‍.
പെയ്യാന്‍ മറന്ന മേഘച്ചീള്‌.
പതിനാറായിരത്തെട്ടിലധികം ഭാര്യമാരാല്‍
പ്രേമാഭിഷിക്തനായ ചക്രവര്‍ത്തി.
എന്‍റെ ഭാര്യമാര്‍ ഭൂമിയുടെ ഉറവകള്‍.
ഒരുവള്‍ -
ചോരക്കുഞ്ഞുമായി ഭിക്ഷയിരക്കുന്നു.
മറ്റൊരുവള്‍ -
നിറവയറുമായി ഭാരം ചുമന്ന് തളര്‍ന്നു വീഴുന്നു.
വേറൊരുവള്‍ -
ചന്തയില്‍ മത്സ്യം വില്‍ക്കുന്ന ലാഘവത്തില്‍
തന്‍റെ സ്ത്രൈണതക്കു വിലപേശി
നഗരാതിര്‍ത്തിയില്‍
കനല്‍ക്കട്ടപോലെ നീറിയൊടുങ്ങുന്നു.
അടുക്കളയില്‍ ഒടുങ്ങാത്ത എച്ചില്‍ പാത്റങ്ങളില്‍
അടിവയറ്റിലേറ്റ തൊഴിയുമായി
നിരാലംബം പതിക്കുന്നതും അവള്‍.
കൃഷ്ണാ, കൃഷ്ണാ എന്നാര്‍ത്തലച്ച്‌ അലമുറയിടുമ്പോള്‍
കൃഷ്ണേ
ഒരു തുള്ളിക്കണ്ണീരായിപ്പോലും ഉതിരാനാകാതെ
കാറ്റിലുലഞ്ഞ്‌
ഞാന്‍ ശൂന്യതയില്‍ ചിതറിയൊടുങ്ങുന്നു.
ഓടയില്ലാത്ത വനത്തില്‍
അനാഥമായി ഊതിത്തെറിക്കുന്ന
ഗാനമാണല്ലോ ഞാന്‍.

Comments

  1. ഞാന്‍ കാര്‍വര്‍ണ്ണന്‍
    വിഷശരമേറ്റ വ്രണിതഹൃദയന്‍

    ReplyDelete
  2. 'ഞാന്‍ കരിമുകില്‍ വര്‍ണന്‍
    പെയ്യാന്‍ മറന്ന മേഘച്ചീള്‌'


    നല്ല
    എഴുത്ത്..
    പെയ്തൊഴിയാത്ത മഴ പോലെ
    കവിതയും..

    ReplyDelete
  3. ഞാന്‍ കാര്‍വര്‍ണ്ണന്‍
    വിഷശരമേറ്റ വ്രണിതഹൃദയന്‍

    ReplyDelete
  4. "ഒരു തുള്ളിക്കണ്ണീരായിപ്പോലും ഉതിരാനാകാതെ
    കാറ്റിലുലഞ്ഞ്‌
    ശൂന്യതയില്‍ ചിതറിയൊടുങ്ങുന്നു "
    കാർവർണ്ണൻ
    വളരെയധികം ചിന്തിപ്പിക്കുന്നീവരികൾ

    ReplyDelete
  5. 'ഒരുവള്‍
    ചോരക്കുഞ്ഞുമായി ഭിക്ഷയിരക്കുന്നു
    മറ്റൊരുവള്‍
    നിറവയറുമായി ഭാരം ചുമന്ന് തളര്‍ന്നു വീഴുന്നു
    വേറൊരുവള്‍
    ചന്തയില്‍ മത്സ്യം വില്‍ക്കുന്ന ലാഘവത്തില്‍
    തന്‍റെ സ്ത്രൈണതക്കു വിലപേശി
    നഗരാതിര്‍ത്തിയില്‍
    കനല്‍ക്കട്ടപോലെ നീറിയൊടുങ്ങുന്നു
    അടുക്കളയില്‍ ഒടുങ്ങാത്ത എച്ചില്‍ പാത്റങ്ങളില്‍
    അടിവയറ്റിലേറ്റ തൊഴിയുമായി
    നിരാലംബം പതിക്കുന്നതും അവള്‍'

    എല്ലാം പറഞ്ഞു കഴിഞ്ഞുവല്ലോ...

    ReplyDelete
  6. "ഒരു തുള്ളിക്കണ്ണീരായിപ്പോലും ഉതിരാനാകാതെ
    കാറ്റിലുലഞ്ഞ്‌
    ഞാന്‍ ശൂന്യതയില്‍ ചിതറിയൊടുങ്ങുന്നു
    ഓടയില്ലാത്ത വനത്തില്‍
    അനാഥമായി ഊതിത്തെറിക്കുന്ന
    ഗാനമാണല്ലോ ഞാന്‍ "

    മനസ്സിലേയ്ക്ക് തുളച്ചുകയറുന്ന വരികള്‍!!!! ഇനിയും ഇനിയും എഴുതൂ....

    ReplyDelete
  7. ഞാന്‍ ശൂന്യതയില്‍ ചിതറിയൊടുങ്ങുന്നു
    ഓടയില്ലാത്ത വനത്തില്‍
    അനാഥമായി ഊതിത്തെറിക്കുന്ന
    ഗാനമാണല്ലോ ഞാന്‍ ............nice

    ReplyDelete
  8. പുതിയ കാലത്തിൽ നമ്മൾ കാര്യങ്ങളെല്ലാം തിരിച്ചു വായിക്കേണ്ടതുണ്ട്.
    പല മുനകളുള്ള ഈ അമ്പ് പോകുന്നത് കാണുമ്പോൾ......
    ഞാൻ കണ്ണടക്കട്ടെ!

    ReplyDelete
  9. bhanu...shakthamaya ezhuthu...evideyokkeyo kollunnu...nannayee ketto..

    ReplyDelete
  10. കൊള്ളാം....
    ആശംസകൾ...

    ReplyDelete
  11. കൃഷ്ണനെ മറ്റൊരു രൂപത്തില്‍ സ്വത്വത്തില്‍ കാണുന്നത് നന്ന്. വിജയിക്കുന്നവന്റെ കുലചിഹ്നമാണല്ലോ ഭാരതീയര്‍ക്ക് അയാള്‍.
    ഇവിടുത്തെ ദൈന്യത്യ്ക്ക് ഒരു സവിശേഷതയുണ്ട്.
    വിജയി ഏകനാണ് എന്നത് ഒരു തിരിച്ചറിവാണ്.
    വിഷം പുരട്ടിയ അമ്പേറ്റ് ചൊത്തൊടുങ്ങിയ അയാള്‍ക്ക് സ്വന്തം കുലത്തെ കാക്കാനായോ.
    യാദവകുലത്തിലെ സ്ത്രീകളെ കട്ടാളര്‍ കട്ടെടുത്ത് മറയുമ്പോള്‍ അര്‍ജ്ജുനനും തന്റെ വീര്യം കെട്ടെ വില്ലുമായി നോക്കിനില്‍ക്കേണ്ടി വന്നല്ലോ.
    കൃഷ്ണന്‍ ഒരു പരാജയപ്പെട്ട ദൈവമാണോ?
    ഖാണ്ഡവം ഒരു ഇക്കോളൊജിക്കള്‍ അധിനിവേശമായിരുന്നു. അതിനു കൂട്ടുനിന്നത് കൃഷ്ണനും, പിന്നെ അയാള്‍ക്ക് വേടന്റ്റെ വിഷം പുരട്ടിയ അമ്പല്ലാ‍ാതെ മറ്റെന്ത്?
    വല്ലാതെ ദുര്‍ബ്ബലനായിരുന്നോ കൃഷ്ണന്‍.
    വൈകാരികതകളുടെ വ്യാജനിര്‍മ്മിതി.
    പ്രണയി, ഭര്‍ത്താവ്, സഹോദരന്‍, മകന്‍, ഭരണാധികാരി, മനുഷ്യന്‍ എന്നിങ്ങനെയുള്ള നിലയിലെല്ലാം പരാജയപ്പെട്ട ഒരു ഏകാകി.

    ReplyDelete
  12. കാര്‍വര്‍ണ്ണന്‍ ഇങ്ങനെ പരിതപിക്കുന്നെന്നോ?
    ആവോ ആര്‍ക്കറിയാം!
    ചിലപ്പോള്‍ ഉണ്ടാകും അല്ലേ?

    ReplyDelete

Post a Comment

Popular posts from this blog

ആരാണ് രക്തസാക്ഷി?

പ്രണയം വിപ്ലവമാണ്

സ്നേഹം എന്നാല്‍ എന്താണ്?