മടിയന്‍മാര്‍

മലകള്‍ ചുമക്കുന്നതുകൊണ്ട്‌
മടിയന്‍മാരുടെ തോളെല്ലുകള്‍
കാരിരുമ്പുപോലെ കരുത്തുള്ളതായിരിക്കുന്നു.
അവരുടെ ചുമലില്‍
മിനാരങ്ങള്‍
മാളികകള്‍
പാതകള്‍
പാലങ്ങള്‍
പണിതുയര്‍ത്തുന്നു.
മലകളുയര്‍ത്തിയ അവരുടെ കൈകള്‍
മണ്ണ്‌ ഇളക്കി മറിക്കുന്നു.
മിടുക്കന്‍മാരെ ഊട്ടാന്‍
ധാന്യങ്ങളും പഴങ്ങളും വിളയിക്കുന്നു.
മടിയന്‍മാര്‍ ചടഞ്ഞിരിക്കുന്നു.
മധുരക്കിനാവുകള്‍ കാണുന്നു;
വസന്തം വിളയുന്ന പാടങ്ങള്‍
സംഗീതം നിറയുന്ന പണിശാലകള്‍
‍അതിര്‍ത്തികളില്ലാത്ത ദേശങ്ങള്‍.
മടിയന്‍മാര്‍ മൂരിനിവരുമ്പോള്‍
കൊടുമുടികള്‍ ഇളകുന്നു.
ശൈത്യത്തില്‍ നിന്നും
ഭൂഗോളത്തെ അവര്‍ തള്ളിമാറ്റുന്നു.
ഊതിക്കത്തിച്ച രക്തം കൊണ്ട്‌
പുതിയലോകം രാകിയെടുക്കുന്നു.
മടിയന്‍മാരെ ഉണര്‍ത്താതെ
അവരുറങ്ങട്ടെ
അതുമല്ലെങ്കില്‍ പരസ്പരം കൊന്നു തിന്നട്ടെ.
കാരണം
അവരുണര്‍ന്നാല്‍
മടിയന്‍മാര്‍ മടിയന്‍മാരൊത്ത്‌ കൈകള്‍ കോര്‍ത്താല്‍
ചരിത്രം തെന്നിമാറും
കീഴ്മേല്‍ മറിയും.
ജാഗ്രതൈ!!!

Comments

  1. അതെ, മടിയന്‍ മലച്ചുമാക്കും എന്നുതന്നെ സാരം.

    ReplyDelete
  2. മടിയന്‍ പ്രകൃതിയെ ഹനിക്കുന്നു
    :-)

    ReplyDelete
  3. മടിയന്മാര്‍ കിനാവു കാണുന്നതിനു മാത്രം മടി വിചാരിയ്ക്കുന്നില്ല അല്ലേ?

    'മടിയന്‍മാര്‍ മടിയന്‍മാരൊത്ത്‌ കൈകള്‍ കോര്‍ത്താല്‍
    ചരിത്രം തെന്നിമാറും
    കീഴ്മേല്‍ മറിയും.
    ജാഗ്രതൈ!!! '

    പേടിയ്ക്കണ്ട, അതിനു പോലും അവര്‍ക്ക് മടി ആയിരിയ്ക്കുമെന്നേ... ;)

    ReplyDelete
  4. ഊതിക്കത്തിച്ച രക്തം കൊണ്ട്‌
    പുതിയലോകം രാകിയെടുക്കുന്നു.....suprb

    ReplyDelete
  5. ഹി ഹി .....ഇത് പോലെ ആവും അല്ലെ മടിയന്‍ മാര്‍ ഉന്നര്നാല്‍ ...വേണ്ട വേണ്ട അവര്‍ ഉറങ്ങട്ടെ

    ഉറക്കമാണ് സുഖപ്രതം ....

    ReplyDelete
  6. കവിതയ്ക്ക് സച്ചിദാന്ദന്റെ സ്റ്റൈല്‍ ഉണ്ട്.

    മടിയന്‍മാര്‍ മടിയന്‍മാരൊത്ത്‌ കൈകള്‍ കോര്‍ത്താല്‍
    ചരിത്രം തെന്നിമാറും
    കീഴ്മേല്‍ മറിയും.
    ജാഗ്രതൈ!!!
    ഈ അവസാന വരികള്‍ കവിതയില്‍ അനാവശ്യമാണ്. അവരുണര്‍ന്നാല്‍ എന്തു സംഭവിക്കുമെന്ന് വ്യക്തമല്ലേ.

    പക്ഷെ അവരെ ഉണര്‍ത്താതെ എന്നും പ്രലോഭനത്തിന്റെ, നടക്കാത്ത സ്വപ്നങ്ങളുടെ, ഉല്പന്നങ്ങളുടെ, ആഡംബരങ്ങളുടെ അപ്പക്കഷണങ്ങള്‍ നീട്ടിക്കൊടുത്തുകൊണ്ടേയിരിക്കുകയാണല്ലോ.

    മല ചുമക്കുന്നതിനല്ല അവരുടെ മടി, ജീവിതം മാറ്റിയെഴുതുന്നതിനുള്ള മടിയാണ്.
    ഉണര്‍ത്താന്‍ എത്ര വട്ടം ശ്രമിച്ചു, പക്ഷേ
    കുംഭകര്‍ണ്ണനു ഉറക്കം കൊടുത്തു മയക്കിയ പോലെ മടിയന്മാരെ എന്നെന്നേക്കുമായി നമ്മള്‍ മയക്കിക്കിടത്തിയിരിക്കുന്നു.
    മകനെ നിന്നഛനിന്നും കരിമ്പാറ-
    ക്കോമ്പല്ലില്‍ കോര്‍ത്തുകിടപ്പൂ
    ചന്ദനത്തയ്യായ് കരിമ്പാറ കീറി
    നിന്നഛനെ നീ വീണ്ടെടുക്കൂ
    (മകനോട്-കടമ്മനിട്ട)
    എന്നോ,
    വെയില്‍ ചിന്നുന്നുണ്ട്, ഓര്‍മ്മകള്‍ ഉണരുന്നുണ്ട്, കാക്കകള്‍ കരയുന്നുണ്ട്, കാറ്റു വീശുന്നുണ്ട്, മരങ്ങള്‍ ഉലയുന്നുണ്ട്, കാടിളകുന്നുണ്ട്, ചൂഷണം പെരുകുന്നുണ്ട്, അതുകൊണ്ടുതന്നെ സമരം തുടരുന്നുണ്ട്
    (സ്മരണ-യു.പി.ജയരാജ്) എന്നോ നമുക്കു പ്രതീക്ഷിക്കാം.

    ReplyDelete
  7. അവരുണര്‍ന്നാല്‍
    മടിയന്‍മാര്‍ മടിയന്‍മാരൊത്ത്‌ കൈകള്‍ കോര്‍ത്താല്‍
    ചരിത്രം തെന്നിമാറും

    ReplyDelete
  8. എന്ത്! ഞങ്ങള്‍ മടിയന്‍‌മാരെ കുറിച്ചും കവിതയോ?
    "ഞങ്ങളുണര്‍ന്നാല്‍.......ജാഗ്രതൈ!!!" :)

    ഭാനു, ഉഗ്രനായിട്ടുണ്ട്.

    ReplyDelete
  9. മടിയന്മാരെ ഉണര്‍ത്തണ്ട അവര്‍ ഉറങ്ങട്ടെ. അതല്ലെ നല്ലത്.! ( കമാന്‍റ് ഇടാന്‍ ഒരു മടി ,, ഉറക്കത്തില്‍ ആയിരുന്നു ഉണര്‍ന്നപ്പോള്‍ കമാന്‍റ് ഇട്ടു.)

    ReplyDelete
  10. ഉഗ്രൻ!
    അടിപൊളി വീക്ഷണം!

    ReplyDelete
  11. 'മടിയന്‍മാര്‍'
    ഞമ്മളെക്കുറിച്ചാലേ കവിതയെഴുത്ത്..
    ഉം..
    നന്നായി.

    >'മടിയന്‍മാരെ ഉണര്‍ത്താതെ
    അവരുറങ്ങട്ടെ
    അതുമല്ലെങ്കില്‍ പരസ്പരം കൊന്നു തിന്നട്ടെ.
    കാരണം
    അവരുണര്‍ന്നാല്‍
    മടിയന്‍മാര്‍ മടിയന്‍മാരൊത്ത്‌ കൈകള്‍ കോര്‍ത്താല്‍
    ചരിത്രം തെന്നിമാറും
    കീഴ്മേല്‍ മറിയും.
    ജാഗ്രതൈ!!!'<

    ജാഗ്രതൈ!!!

    ReplyDelete
  12. മടിയന്‍മാര്‍ മടിയന്‍മാരൊത്ത്‌ കൈകള്‍ കോര്‍ത്താല്‍
    ചരിത്രം തെന്നിമാറും

    ReplyDelete
  13. ഭാനു കവിത നന്നായി.. മടിയൻ ആയതിനാൽ കമന്റാൻ വരെ ഈയിടെ മടിയാ

    ReplyDelete
  14. മാമല ചുമക്കുന്നൊരു മടിയന്‍ ...
    ഒപ്പ്..

    ReplyDelete
  15. ഇതൊരു കിടിലന്‍ കവിത. ചുമ്മാ വന്നു കൊള്ളാം എന്ന് ടൈപ്പ് ചെയ്തതല്ല .....വാക്കുകള്‍ താങ്കള്‍ക്ക് പുറകില്‍ നൃത്തം വെക്കുന്നു .....ഒരല്പം ധ്യാനമാകം.

    ReplyDelete
  16. മടിയന്‍മാരുടെ ഈ കവിത വായിച്ച എല്ലാ മടിയന്‍മാര്‍ക്കും മിടുക്കന്‍മാര്‍ക്കും ഈ കുഴിമടിയണ്റ്റെ ഒരു പാടു നന്ദി.

    ReplyDelete
  17. "മലകള്‍ ചുമക്കുന്നതുകൊണ്ട്‌
    മടിയന്‍മാരുടെ തോളെല്ലുകള്‍
    കാരിരുമ്പുപോലെ കരുത്തുള്ളതായിരിക്കുന്നു."
    അതേ.
    മടിയനായ ഈ ഭൂമിയുടെ മുകളിൽ
    കെട്ടിയുണ്ടാക്കുന്നതെല്ലം ഭൂകമ്പമെന്ന് നാം വിളിക്കുന്ന ആ മൂരിനിവർത്തിയാൽ .......

    ReplyDelete
  18. അവസാനത്തെ നാലുവരി പ്രസ്താവന ഒഴിവാക്കിയിരുന്നെങ്കിൽ ഇപ്പൊഴത്തേതിനേക്കാൾ ഗംഭീരമായേനെ എന്നൊരു തോന്നലുണ്ട്. കവിത അസ്സലായി!

    ReplyDelete
  19. മടിയന്മാരുറങ്ങട്ടേന്ന്..ഞാനായിട്ട് ആരെയും ശല്യപ്പെടുത്താൻ പോണില്ല.,
    നല്ല കവിത, രണ്ട് പ്രാവശ്യം വായിക്കേണ്ടി വന്നു എന്ന് മാത്രം (അത് എന്റെ കുഴപ്പമാട്ടോ..)

    ReplyDelete
  20. മടിയന്മാര്‍ വിചാരിക്കും പോലെ അത്ര നിസ്സാരക്കാരല്ല അല്ലേ.:)
    നല്ല ചിന്തകള്‍.

    ReplyDelete
  21. മടിയന്‍മാര്‍ മടിയന്‍മാരൊത്ത്‌ കൈകള്‍ കോര്‍ത്താല്‍
    ചരിത്രം തെന്നിമാറും
    കീഴ്മേല്‍ മറിയും.
    ജാഗ്രതൈ!!!

    Ohhh Really???
    Good thought...

    ReplyDelete
  22. നല്ല ചിന്തകള്‍

    ReplyDelete
  23. നല്ല കവിത, ഒരു കിനാവുപക്ഷ ചിന്ത, ‘ജാഗ്രതൈ’ ക്കു ഒരു തമാശ തോന്നിക്കും. അത് കവിതയുടെ പൊതുവെയുള്ള ഗൌരവത്തെ ഉലക്കുന്നതിനാൽ വേണ്ടിയിരുന്നില്ല

    ReplyDelete

Post a Comment

Popular posts from this blog

ആരാണ് രക്തസാക്ഷി?

പ്രണയം വിപ്ലവമാണ്

സ്നേഹം എന്നാല്‍ എന്താണ്?