ഞാന്‍ ഇറാഖ്‌. അഥവാ സ്വാതന്ത്ര്യം.

മറവിയുടെ കുടീരം തുറന്ന്
നിന്‍റെ സ്വാസ്ഥ്യത്തിന്‍റെ സായാഹ്നത്തിലേക്ക്‌
ഞാനുണര്‍ന്നു വരുന്നു.
ഒരു വേള നിന്‍റെ വാര്‍ത്തകളില്‍
‍ഞാന്‍ മാത്റമായിരുന്നു.
എന്‍റെ വേദന നിങ്ങള്‍ ആഘോഷിച്ചു.
എന്നെ കീഴ്പ്പെടുത്തുന്നതിന്‍റെ ലഹരി
എങ്ങും പതഞ്ഞു പൊങ്ങി.
യൂഫ്റട്ടീസിലും ടൈഗ്രീസിലും
പ്രാണന്‍ മണക്കുന്ന ചുടുനിണമൊഴുകി.
എന്‍റെ മാറിടം ബോംബു വര്‍ഷത്താല്‍
അരിപ്പപോലെ തുളഞ്ഞുപോയി.
എന്‍റെ കുഞ്ഞുങ്ങള്‍
കളിപ്പാട്ടത്തിനു പകരം
നിന്‍റെ ടാങ്കറുകളുടെ ഭീകരചലനം കണ്ടാനന്ദിച്ചു.
പ്രാചീന ബാഗ്ദാദിന്‍റെ ചരിത്രം
അലറുന്ന പോര്‍വിമാനങ്ങളുടെ
ക്റൂരതയിലേക്കു തലയുയര്‍ത്തി.
സ്വാതന്ത്റ്യം സ്വാതന്ത്റ്യം
എന്നു നീ ആര്‍ത്തട്ടഹസിച്ചുകൊണ്ടിരുന്നു.
എന്നെ പൂര്‍ണ്ണമായും ബൂട്ടിനടിയിലാക്കും വരെ
നീ അമര്‍ത്തി ചവിട്ടിക്കൊണ്ടിരുന്നു.
ഇപ്പോള്‍ നിന്‍റെ കാല്‍ചുവട്ടില്‍
പതിഞ്ഞു കിടന്നുകൊണ്ട്‌
ഞാന്‍ സ്വാതന്ത്റ്യത്തിന്‍റെ
മഹനീയ രുചി ആസ്വദിക്കുന്നു!!!
മറന്നു പോകരുത്‌, ഞാന്‍ ലോകത്തിന്‌
ഒരു റോള്‍ മോഡല്‍.

Comments

  1. മറന്നു പോകരുത്‌, ഞാന്‍ ലോകത്തിന്‌
    ഒരു റോള്‍ മോഡല്‍.

    ReplyDelete
  2. അതെ,
    മറക്കരുതൊരിക്കലും..

    ReplyDelete
  3. വിമോചനം എന്ന് പറഞ്ഞിട്ട് യുദ്ധത്തിന്റെ പേരില്‍ തകര്‍ത്തെറിയപ്പെട്ട ഇറാക്ക് ഒരു പ്രാവിന്‍ കുഞ്ഞിനെ പോലെ പ്രതിരോധം നഷ്ടപ്പെട്ടു കിടക്കുന്ന കാശ്ച മങ്ങാതെ മനസില്‍ തങ്ങിനില്‍ക്കുന്നുണ്ടീപ്പോഴും തഥവസരത്തില്‍ ഈ കവിതയും വീണ്ടും ആ കാശ്ചയിലേക്ക് തന്നെയാണെന്നെ കൂട്ടി കൊണ്ട് പോയതെന്നു നിസംശയം പറയാന്‍ കഴിയും ! നന്ദി!

    ReplyDelete
  4. ഒരേ സമയം സ്വാതന്ത്ര്യവും പാരതന്ത്ര്യവും അനുഭവിക്കുന്നുണ്ട് ഇറാക്ക് ഇപ്പോൾ. സ്വാതന്ത്ര്യത്തെ കുറിച്ച് ആലോചിക്കുമ്പോൾ അമേരിക്കയെ വാഴ്ത്താതെ വയ്യ, എന്നാൽ അവരുടെ ഗൂഢ ലക്ഷ്യങ്ങൾ അറിയുമ്പോൾ ഇകഴ്ത്താതെയും. എനിക്കിഷ്ട്മായി വരികളിലെ തത്വചിന്ത.

    ReplyDelete
  5. സ്വേച്ഛാധിപത്യത്തിന്റെ വറചട്ടിയില്‍ നിന്നും യുദ്ധത്തിന്റെ എരിതീയിലേയ്ക്ക് വലിച്ചെറിയപ്പെട്ട പാവം ഇറാക്കിന്‌ ശാന്തിയുടെ ദിനരാത്രങ്ങള്‍ ഇനിയും എത്രയോ അകലെ...

    അവിടെ പൊലിഞ്ഞ ജീവിതങ്ങളുടെ സ്മരണയ്ക്കു മുന്നില്‍ എന്റെ ഒരിറ്റു കണ്ണുനീര്‍..

    ReplyDelete
  6. സ്വാതന്ത്ര്യത്തിന്റെ (അ)രുചി!!
    :(

    ReplyDelete
  7. മറന്നു പോകരുത്‌, ഞാന്‍ ലോകത്തിന്‌
    ഒരു റോള്‍ മോഡല്‍.

    അതെ ഒരിക്കലും മറക്കരുത്.!

    ReplyDelete
  8. "മറന്നു പോകരുത്‌, ഞാന്‍ ലോകത്തിന്‌
    ഒരു റോള്‍ മോഡല്‍."

    aazamsakaL...

    ReplyDelete
  9. നന്നായി ഭാനു
    ഒരിക്കലും മറക്കാൻ പറ്റാത്ത ഒരു റോൾ മോഡൽ
    അഭിനന്ദനം കേട്ടൊ

    ReplyDelete
  10. മറക്കരുത് നമ്മൾ. പറഞ്ഞത് ഒരു യാതാർത്ഥ്യം.വേദനിക്കുന്നു എന്റെ മനസ്സ്. ആശംസകൾ

    ReplyDelete
  11. പ്രിയ വായാടി,സേശ്ചാധിപത്യത്തിന്റെ വറചട്ടിയിൽ ഇത്രത്തേളം
    മൻഷ്യർ മരിച്ച് വീണിട്ടില്ല. മനോഹര സൌധങ്ങൾ തകർത്തെറി
    ഞ്ഞിട്ടില്ല. പക്ഷെ, അമേരിക്കൻ യുദ്ദം.......? എന്ന് കരുതി സേശ്ചാ
    ധിപത്യത്തിനെ അനുകൂലിക്കുകയല്ല.
    റോൾ മോഡലിനെ ഓർമിപ്പിക്കുക മാത്രം.
    ഭാനു കളരിക്കൽ ‘സലാം’

    ReplyDelete
  12. This comment has been removed by the author.

    ReplyDelete
  13. @sm sadique-
    താങ്കള്‍ പറഞ്ഞതിനോട് ഞാന്‍ പൂര്‍ണ്ണമായും യോജിക്കുന്നു. അതുകൊണ്ടു തന്നെയാണ്‌ വറചട്ടിയും എരിതീയും എന്ന ഉപമ ഉപയോഗിച്ചത്. വറചട്ടിയേക്കാള്‍ ചൂടു വളരെ കൂടുതലാണല്ലോ എരിതീയില്‍.

    ഇക്കാര്യത്തില്‍ അമേരിക്കയുടെ പ്രവര്‍ത്തിയെ ഞാനൊരിക്കലും ന്യായികരിക്കുകയില്ല. മാത്രമല്ല അതിലെനിക്ക് പ്രതിഷേധവുമുണ്ട്.

    ഭാനുവിന്‌ അഭിനന്ദങ്ങള്‍.

    ReplyDelete
  14. ഇറാഖ്...
    എത്ര ഗംഭീര ചരിത്രമുറങ്ങുന്ന ഭൂമി... അതു തച്ചുതകർത്ത് തരിപ്പണമാക്കുന്നത് സാക്ഷ്യം വഹിക്കാൻ വിധിക്കപ്പെട്ട ഷണ്ഡജന്മങ്ങൾ നമ്മൾ!

    ReplyDelete
  15. ആദ്രതയുള്ള മനസ്സിന്റെ നല്ല ചിന്തകള്‍. ആശംസകള്‍

    ReplyDelete
  16. ചുവന്ന ഇന്ത്യക്കാരുടെ സിയാറ്റിൽ മൂപ്പൻ അധിനിവേശകർക്കെഴുതിയ കത്തിനെ ഓർമ്മിപ്പിക്കുന്നു ഈ കവിത.
    വിഷയം നമുക്കെല്ലാം അറിവുള്ളത് തന്നെ.
    അത് പറയാൻ ഭാനു ഉപയോഗിച്ച ബിംബങ്ങളിൽ മാത്രം ഞാൻ പുതുമ കണ്ട്.
    മാറ്റുവിൻ ചട്ടങ്ങളെ എന്നൊരു കുതറിച്ചാട്ടം ഭാനുവിന്റെ എല്ലാ കവിതകളിലും കാണുന്നു,

    ReplyDelete

Post a Comment

Popular posts from this blog

ആരാണ് രക്തസാക്ഷി?

സ്നേഹം എന്നാല്‍ എന്താണ്?

പ്രണയം വിപ്ലവമാണ്