ഭൂമിയുടെ അവകാശികള്‍

സാത്താനായും ഈശ്വരനായും
തൃഷ്ണയായും രൂപംപൂണ്ട്‌
നിന്‍റെ സ്വപ്നങ്ങളില്‍ ഇഴഞ്ഞു.
എന്നേപ്പോലെ ഭൂമിയെ അളന്നവര്‍
എത്രപേരുണ്ട്‌ നിങ്ങളുടെ കൂട്ടത്തില്‍?

സ്വരത്തെ മണ്ണില്‍ കുഴച്ച
സംഗീതമായ്‌ നെഞ്ചില്‍ സ്വീകരിച്ചു.
ഭൂഗോളത്തിന്‍റെ തുടിപ്പുകളെ
ശരീരത്തില്‍ ആവാഹിച്ചു.
ഒരടി മണ്ണുപോലും സ്വന്തമാക്കിയില്ല.
മാളങ്ങളില്‍ അമ്മ വിയര്‍ക്കുംപോലെ വിയര്‍ത്തു.
പിറവിയെടുത്തിട്ടും പേറ്റമ്മയുടെ വയറ്റില്‍ വളര്‍ന്നു.

പതിയിരുന്ന്‌ ആക്രമിച്ചില്ല
പക കൊണ്ടു നടന്നില്ല
മൂര്‍ദ്ധാവില്‍ കൊത്തിയില്ല

രൂപങ്ങള്‍ നീ വരക്കും മുന്‍പേ വരച്ചൂ
നിന്‍റെ നാട്യങ്ങള്‍ക്ക്‌
ഫണം വിരിച്ചാടി
ചിന്തയില്‍ വിഷം കലര്‍ത്തിയില്ല.
പതിയെ ഇഴഞ്ഞു
പതിയെ നോക്കി
ചിന്തിച്ചതും സ്വപ്നം കണ്ടതും
വളരെ പതുക്കെ.

ശിരസ്സില്‍ ചവിട്ടിയവരോട്‌
നട്ടെല്ലു തകര്‍ത്തവരോട്‌
സര്‍പ്പങ്ങള്‍ പൊറുക്കും.

വളഞ്ഞുകൊത്തിയത്‌
വേദനകൊണ്ടു മാത്രം.
ആ കൊത്തല്‍
സ്വന്തം വംശത്തിന്‍റെ മൂര്‍ദ്ധാവിലാണെന്ന്‌
ഇന്നും തിരിച്ചറിവില്ല.

മണ്ണില്‍ പതിഞ്ഞു കിടന്നിട്ടും
നിങ്ങള്‍ക്കെന്നെ പേടി
അപ്പോള്‍ വാലില്‍ എഴുന്നു നിന്നാല്‍
എന്നിലെ വിഷത്തെ
നിന്‍റെ വിഷത്തിനു മേല്‍ തൂവിയാല്‍...

Comments

  1. ഇത് ഒരു പുന:പ്രസിദ്ധീകരണം ആണ്‍ . എന്റെ ഒരു സുഹൃത്തിന്റെ സ്നേഹത്തിനു വഴങ്ങി. ക്ഷമിക്കുമല്ലോ.

    ReplyDelete
  2. സാത്താനായും ഈശ്വരനായും
    തൃഷ്ണയായും രൂപംപൂണ്ട്‌
    നിന്‍റെ സ്വപ്നങ്ങളില്‍ ഇഴഞ്ഞു.
    എന്നേപ്പോലെ ഭൂമിയെ അളന്നവര്‍
    എത്രപേരുണ്ട്‌ നിങ്ങളുടെ കൂട്ടത്തില്‍?

    ReplyDelete
  3. നല്ല കവിത ..നന്നായി

    ReplyDelete
  4. "മണ്ണില്‍ പതിഞ്ഞു കിടന്നിട്ടും
    നിങ്ങള്‍ക്കെന്നെ പേടി
    അപ്പോള്‍ വാലില്‍ എഴുന്നു നിന്നാല്‍
    എന്നിലെ വിഷത്തെ
    നിന്‍റെ വിഷത്തിനു മേല്‍ തൂവിയാല്‍... "

    nice

    ReplyDelete
  5. വളഞ്ഞുകൊത്തിയത്‌
    വേദനകൊണ്ടു മാത്രം.
    ആ കൊത്തല്‍
    സ്വന്തം വംശത്തിന്‍റെ മൂര്‍ദ്ധാവിലാണെന്ന്‌
    ഇന്നും തിരിച്ചറിവില്ല.

    kollambhanu kollam nannayittundu

    ReplyDelete
  6. പതിയിരുന്ന്‌ ആക്രമിച്ചില്ല
    പക കൊണ്ടു നടന്നില്ല
    മൂര്‍ദ്ധാവില്‍ കൊത്തിയില്ല

    നല്ല കവിത ..നന്നായി

    ReplyDelete
  7. ശക്തമായിട്ടുണ്ട്! നിലത്തു പറ്റിക്കിടക്കുമ്പോഴും ഫണമെടുത്തിരച്ചു വരുമെന്ന് ഭയക്കുന്നുണ്ടാവും.ശിരസ്സില്‍ ചവിട്ടിയവരോട്‌
    നട്ടെല്ലു തകര്‍ത്തവരോട്‌
    എന്തിനു പൊറുക്കണം?

    ReplyDelete
  8. എന്നിലെ വിഷത്തെ
    നിന്‍റെ വിഷത്തിനു മേല്‍ തൂവിയാല്‍... "

    ഇതൊരു ചോദ്യം തന്നെയാണേ.
    സര്‍പ്പവിഷം തോറ്റുപോകും തീര്‍ച്ച.

    ReplyDelete
  9. വളഞ്ഞുകൊത്തിയത്‌
    വേദനകൊണ്ടു മാത്രം.

    തീവ്രതയോടെ വരികള്‍.

    ReplyDelete
  10. ..
    പുനര്‍വായന ഒന്നല്ല, അതിലധികം.
    എന്നിട്ടും മുഴുവനായും പിടികിട്ടിയില്ല.

    സ്വപ്നങ്ങളിലും മനസ്സിലും രൂപം പ്രാപിച്ചത്,
    അവയെ വ്യഭിചരിച്ച് ജീവിക്കുന്നവരാണ് ഭൂരിപക്ഷവും.
    ശരിയാണ്, ഭൂമിയെ അളന്നവര്‍ ആരുമില്ല തന്നെ,
    ഉണ്ടെന്ന് ഭാവിക്കുന്നവരാണ് ചുറ്റിലും.

    വേറെന്തൊക്കെയോ എനിക്ക് തോന്നി വായിച്ചപ്പോള്‍.
    വിവരണം തുടര്‍ന്നാല്‍ വിഡ്ഡിത്തമാവും. ഹെ ഹെ ഹേ.. ;)
    ..
    ആശംസകള്‍..
    ..

    ReplyDelete
  11. ഭൂമിയുടെ അവകാശികള്‍ എന്ന പേരില്‍ ഭാനുവിന്റെ ഒരു കവിത വായിച്ചിട്ടുണ്ട് എന്ന് ഓര്‍മ്മ. പക്ഷെ ഇതാണോ എന്ന് ചോദിച്ചാല്‍ അറിയില്ല. കവിത കൊള്ളാം. പേര്‌.. പാമ്പുകള്‍ ഭൂമിയുടെ അവകാശികള്‍ തന്നെ.. അപ്പോള്‍ കുഴപ്പമില്ല

    ReplyDelete
  12. ശക്തമായ കവിത, വ്യത്യസ്തമായ ചിന്ത, തീവ്രമായ ഭാഷ. എനിക്ക് ഒരുപാടിഷ്ടമായി. അഭിനന്ദങ്ങള്‍.

    ReplyDelete
  13. സാത്താനായും ഈശ്വരനായും
    തൃഷ്ണയായും ...

    nannayirikkunnu chinthayum kavithayum.‌

    ReplyDelete
  14. ശക്തമായ വരികൾ.

    ReplyDelete
  15. ശിരസ്സില്‍ ചവിട്ടിയവരോട്‌
    നട്ടെല്ലു തകര്‍ത്തവരോട്‌
    സര്‍പ്പങ്ങള്‍ പൊറുക്കും.---സര്‍പ്പങ്ങള്‍ -ozhivaakkamayirunnu ennu thonni.

    nannayi , bhanoo..

    samayam kittumbo,ithonnu nokkoo,
    ithupolonnu...

    http://harithachithrangal.blogspot.com/2009/08/blog-post.html#comments

    ReplyDelete
  16. വിഷം വമിക്കാതിരുന്നിട്ടും ജീവിക്കാനനുവദിക്കാതെ നടുവൊടിക്കുന്ന ലോകം! നല്ല കവിത.

    ReplyDelete
  17. "മണ്ണില്‍ പതിഞ്ഞു കിടന്നിട്ടും
    നിങ്ങള്‍ക്കെന്നെ പേടി
    അപ്പോള്‍ വാലില്‍ എഴുന്നു നിന്നാല്‍
    എന്നിലെ വിഷത്തെ
    നിന്‍റെ വിഷത്തിനു മേല്‍ തൂവിയാല്‍... "
    ഇഷ്ടപ്പെട്ടു വരികള്‍

    ReplyDelete
  18. "ശിരസ്സില്‍ ചവിട്ടിയവരോട്‌
    നട്ടെല്ലു തകര്‍ത്തവരോട്‌
    സര്‍പ്പങ്ങള്‍ പൊറുക്കും."

    പലപ്പോഴും മനുഷ്യര്‍ക്ക് അസാധ്യമായതും ഇതാണ്‌. മറക്കാനും, പൊറുക്കാനും മനുഷ്യന്‍ ഇനി എന്നാണാവോ പഠിക്കുക.
    തീക്ഷണമായ വരികള്‍.

    ദേവി-

    ReplyDelete
  19. Aadhila പറഞ്ഞു...August 5, 2010 at 2:50 PM

    " വളഞ്ഞുകൊത്തിയത്‌
    വേദനകൊണ്ടു മാത്രം. " ... ഈ വരികള്‍ ആണ് എനിക്ക് ഏറ്റവും ഇഷ്ട്ടമായത് ..ഈ വരികളില്‍ എനിക്ക് ഒരു പാട് അര്‍ത്ഥതലങ്ങള്‍ കാണാന്‍ സാധിക്കുന്നു ....പലപ്പോഴും പല ജീവികളും അങ്ങിനെയാ ...തിരിച്ച് കൊത്തുന്നത് എപ്പോഴും വേദനിക്കുമ്പോള്‍ മാത്രമാണ് ....അതില്‍ പെടും ചില മനുഷ്യരും...പലതും പറയാനും ചെയ്യാനും പ്രേരിപ്പിക്കപെടുന്നു എന്നതാണ് സത്യം ...പലപ്പോഴും മാളത്തിലേക്ക് കേറി ഇരുന്നാലും വടി കൊണ്ടു കുത്തി കുത്തി പുറത്തു ചാടിക്കും ..എന്നിട്ട് നാവിന്റെ മൂര്‍ച്ച അളക്കും...അങ്ങിനെ ഗതികേട് കാരണം പലപ്പോഴും വിഷം ചീറ്റും പോകും ആ പാവം സര്‍പ്പം ....

    ഈ കവിത എന്നെ DH Lawrence ഇന്റെ "SNAKE" എന്ന കവിതയെ ഓര്‍മപ്പെടുത്തി .

    D. H. Lawrence wrote a famous snake poem which uses all the tissue of reverence and fear. Watching a gold-coloured snake emerge "from a fissure in the earth-wall" to drink at a Sicilian trough, the poet feels he should kill it, for gold snakes are venomous. But he can't: "I felt so honoured". The snake looks round "like a god, unseeing, into the air". The poet throws a log at him, and then is deeply ashamed. "He seemed to me again like a king,/Like a king in exile, uncrowned in the underworld". As the snake vanishes, he feels "I missed my chance with one of the lords /Of life.".You can read the poem Snake in this link,if you want.

    Here is the link :- http://homepages.wmich.edu/~cooneys/poems/dhl.snake.html

    ReplyDelete
  20. ($nOwf@ll) പറഞ്ഞു...August 5, 2010 at 2:52 PM

    എന്റെ പോസ്റ്റില്‍ ഇട്ട കമന്റു പ്രകാരം ഇവിടെയെത്തിയപ്പോള്‍ ഇതാ ശെരിക്കും പേടിപ്പിക്കുന്ന poem.
    നന്നായി കേട്ടോ. കവിതയെപറ്റി ഒന്നുമറിയാത്ത ഞാന്‍ വളരെ sincere ആയി പറയട്ടെ. പാമ്പിനെ ഓര്‍ത്തു സങ്ങടായി.

    2010, മേയ് 24 4:02 AM

    ReplyDelete
  21. കവിതയെ ഒരുപാടൊന്നും വിലയിരുത്താന്‍ അറിയില്ല.
    എങ്കിലും,

    "എന്നേപ്പോലെ ഭൂമിയെ അളന്നവര്‍
    എത്രപേരുണ്ട്‌ നിങ്ങളുടെ കൂട്ടത്തില്‍? "

    ഭൂമിയുടെ അവകാശം പറയാന്‍ നമ്മള്‍ക്കെന്ത് അധികാരം അല്ലേ!!

    ReplyDelete
  22. “എന്നിലെ വിഷത്തെ
    നിന്‍റെ വിഷത്തിനു മേല്‍ തൂവിയാല്‍... “
    സർപ്പസുഹൃത്തേ, ഞങ്ങൾക്കൊന്നും സംഭവിക്കില്ല. എന്തുകൊണ്ടെന്നാൽ ഞങ്ങളുടെ ഉൾവിഷത്തിനു മുമ്പിൽ നിന്റെ വിഷം ഒന്നുമല്ല!

    ReplyDelete

Post a Comment

Popular posts from this blog

ആരാണ് രക്തസാക്ഷി?

പ്രണയം വിപ്ലവമാണ്

സ്നേഹം എന്നാല്‍ എന്താണ്?