പ്രണയിക്കാത്തവരോട്


പ്രണയിക്കാത്തവര്‍ക്ക് 
ഞാനൊരു തീക്കനല്‍ തരാം
ഊതി ഊതി ആളിപ്പടരുമ്പോള്‍ 
അഗ്നിപ്പടര്‍പ്പില്‍ 
ചുട്ടുപഴുത്തൊരു സൌഗന്ധികം
വിരിഞ്ഞുവരും.
ഹൃദയനൈര്‍മല്യമുള്ളവരേ
നിങ്ങളത് വാടാമലരായി സൂക്ഷിച്ചു വെക്കുക.

പ്രണയിക്കാത്തവര്‍ക്ക് 
ഞാനൊരു ഒറ്റക്കമ്പിയുള്ള
വീണതരാം
ഒറ്റവിരല്‍ കൊണ്ടു മീട്ടിയതില്‍
സ്വപ്ന സ്വരങ്ങള്‍ സൃഷ്ടിക്കുക
വിരല്‍ മുറിഞ്ഞു ചോരയിറ്റും വരെ
ദ്രുതതാളം മീട്ടുക
വീണമേല്‍ ഒലിച്ചിറങ്ങിയ ചോരയില്‍
പിടയുന്ന രാഗം കേള്‍ക്കുക.

പ്രണയമേ
നിന്നെ അറിയാത്തവര്‍ക്ക് 
ഞാന്‍ ഏഴു വര്‍ണ്ണങ്ങള്‍ കൊടുക്കാം.
ചാലിച്ചു ചാലിച്ച്‌
നൂറു നൂറു പൂക്കളില്‍
നൂറു നൂറു നിറം പൂശി
പുലരിയെ കൊതിപ്പിച്ചുകൊള്ളട്ടെ.

ഇരുളാര്‍ന്ന ലോകമേ
കുതിച്ചുയര്‍ന്ന ചിറകുകള്‍ 
വരച്ചുവച്ച ആകാശ ചുവപ്പിലേക്ക് 
മിഴി തുറക്കുവിന്‍.
പ്രണയത്തിന്റെ ആകാശക്കുടയില്‍ 
വിപത്ക്കാലങ്ങള്‍ക്ക് മേല്‍
പറന്നിറങ്ങുവിന്‍... 

Comments

  1. പൂപോലെ..രാഗം പോലെ..പുലരി പോലെ..കവിത വളരെ മനോഹരം..

    ReplyDelete
  2. പ്രണയിക്കാത്തവരുടെ നഷ്ടങ്ങൾ...

    ReplyDelete
  3. ഒറ്റക്കമ്പിയുള്ള വീണകൊണ്ട് സപ്തസ്വരങ്ങള്‍ തീര്‍ക്കാന്‍ കഴിയുമോ?എനിക്കറിയില്ല.

    ReplyDelete
  4. ലോകത്തെ രണ്ടായി തിരിക്കാമോ..പ്രണയത്തെ അറിഞ്ഞവരുടെതെന്നും അറിയാത്തവരുടെതെന്നും.അത്ര മേല്‍ വ്യത്യസ്തം ആണല്ലോ അവരുടെ കാഴ്ചകളും..ഹൃദയം കൊണ്ടും ബുദ്ധി കൊണ്ടും ലോകത്തെ അളക്കുന്നവരെ പോലെ.കവിത ഇഷ്ടമായി ..

    ReplyDelete
  5. കാര്ന്നോര്‍മാര്‍ എല്ലാം പ്രണയം അറിയാത്തവരും ചെറുപ്പക്കാര്‍ എല്ലാം പ്രണയം അറിയുന്നവരും ആണ് ..:)

    ReplyDelete
  6. @രമേശ്‌ അരൂര്‍-അങ്ങനെ ആണോ :) ..എനിക്ക് തോന്നുന്നത് മറിച്ചാണ്..കാര്ന്നോന്മാരോക്കെ നന്നായി പ്രണയം അറിഞ്ഞവരാ.ഇപ്പോളത്തെ തലമുറയ്ക്ക് അത്ര അറിവില്ല,അറിയാന്‍ തിരക്കൊട്ടു അനുവദിക്കുന്നുമില്ല

    ReplyDelete
  7. പ്രണയിപ്പിക്കാന്‍ കവി ക്വൊട്ടേഷനെടുത്തോ? അല്ല, എല്ലാത്തിലും അതിന്റെ കാലമാണല്ലോ! ക്വൊട്ടേഷനായാലും അല്ലെങ്കിലും, കവിത നന്നായിട്ടുണ്ട്.

    ReplyDelete
  8. പ്രണയിക്കാത്തവരോടല്ലെ?

    Not applicable to me

    ReplyDelete
  9. @@ശ്രീദേവി കുട്ടികളുടെ പ്രണയം മുതിര്‍ന്നവര്‍ ഇടപെട്ടു കുളം ആക്കാന്‍ ശ്രമിക്കുമ്പോള്‍ ഉള്ള കാര്യമാണ് ഞാന്‍ പറഞ്ഞത് :)

    ReplyDelete
  10. പ്രണയത്തിന്റെ പാരച്ചൂട്ടില്‍
    (പാരഷൂട്ട് എന്നാണ് മലയാളത്തിലെ ആ വാക്കിന്റെ ഉച്ചാരണം)

    ചില വരികള്‍ ഇഷ്ടമായി!

    ReplyDelete
  11. പ്രണയമറിയാത്തവർക്ക് എന്തു കൊടുത്തിട്ടും കാര്യമില്ല ഭാനു. അവർ തീക്കനലിന്റെ വാടാമലരുകൊണ്ടു ലോകം ചുടും.. വീണമേൽ ഒലിച്ചിറങ്ങിയ ചോരയിൽ ക്വൊട്ടേഷന്റെ മണം തിരയും..(രവിയുടെ ക്വൊട്ടേഷൻ കടമെടുത്തു). അവസാനവരികൾ ഇഷ്ടപ്പെട്ടു..അതിലെ ആശയപ്പെയ്ത്ത്.

    ReplyDelete
  12. തേന്‍ രുചിക്കാത്തവര്‍ക്ക് അതിന്റെ രസം പറഞ്ഞുകൊടുക്കാന്‍ ആവുമോ ഭാനു? പ്രണയവും അതുപോലെയാണ്. അങ്ങനെയങ്ങ് കരളുപറിച്ചുപ്രണയിക്കാന്‍ ഒരു ജന്മത്തില്‍ ഒരാളെയേ കഴിയൂ. പ്രണയം രുചിക്കാതെ മരിച്ചുപോകുന്ന എത്രയോ പേര്‍. അവര്‍ക്ക് മുകില്‍ പറഞ്ഞതുപോലെ തീക്കനലോ വീണയോ ഒന്നും കൊടുത്തിട്ട് ഒരു കാര്യവും ഇല്ല. അവര്‍ക്ക് നിത്യശാന്തി നേരാം, അതേ പറ്റൂ.
    പിന്നെ പ്രണയത്തിന്റെ പാരച്ചൂട്ട് വേണ്ടായിരുന്നു, അവിടെ കല്ല്‌ കടിക്കുന്നു, ചിറകുകള്‍ കൂടുതല്‍ നന്നാവുമായിരുന്നു. പിന്നെ അനുരാഗ്, ഒറ്റക്കമ്പിയുള്ള വീണകൊണ്ട് സപ്തസ്വരങ്ങള്‍ എന്നല്ല, സ്വപ്നസ്വരങ്ങള്‍ എന്നാണു ഭാനു എഴുതിയത്.

    ReplyDelete
  13. പ്രണയിക്കാത്തവരെ പ്രണയിപ്പിക്കാന്‍ നോക്കേണ്ട ഭാനൂ, പ്രണയം ഹൃദയത്തില്‍ നിന്നും വരുന്നതാണ്....!
    കവിത ഇഷ്ടമായീ ട്ടോ...

    ReplyDelete
  14. ആയിരം നിറങ്ങള്‍ കൊണ്ട് വരയ്ക്കുന്ന ചിത്രം പോലെ, ഒരു പനിനീര്‍പൂവിന്റെ മനോഹാരിത പോലെ സുന്ദരമാണ്‌ പ്രണയം‌. പ്രണയം അനിര്‍വചിനീയമായ വികാരമാണ്‌. അതിനേക്കാള്‍ സുന്ദരമായ മറ്റൊന്നില്ല ഈ പ്രപഞ്ചത്തില്‍. പ്രണയിക്കുകയും മനസ്സില്‍ പ്രണയം കാത്തുസൂക്ഷിക്കുകയും ചെയ്യുന്നവര്‍ക്കേ പ്രണയത്തിന്റെ അനുഭൂതിയെ കുറിച്ച് പറയാനാകൂ.

    പ്രണയിക്കാന്‍ ഹൃദയമുള്ളവര്‍ക്കേ കഴിയൂ. ഹൃദയത്തേക്കാള്‍ തലച്ചോറിന് പ്രാധാന്യം കല്‍‌പിക്കുന്നവരുടെ മനസ്സില്‍ പ്രണയം നിറക്കുക അസാധ്യമാണ്‌ ഭാനു. വാക്കുകളും, വീക്ഷണങ്ങളും മനോഹരം! ഇഷ്ടമായി.

    ReplyDelete
  15. @വാഴക്കോടന്‍ ‍
    പ്രിയ സുഹൃത്തേ,
    തെറ്റ് ചൂണ്ടിക്കാണിച്ചതിന് വളരെ ഏറെ നന്ദി. ഇതാ തിരുത്തി.
    സസ്നേഹം

    ReplyDelete
  16. "ഇരുളാര്‍ന്ന ലോകമേ"
    പ്രകാശത്തെ പ്രണയിക്കൂ, പ്രാർത്ഥിക്കൂ....

    ReplyDelete
  17. ഹായ് ബാനു ...സ്വപ്ന കാമുകാ ....കവിത വളരെ ഇഷ്ട്ടപെട്ടു ....ശരിക്കും ഒരു അത്ഭുത ലോകം പോലെ .....ഒരു സ്വപ്നം നിറഞ്ഞിരിക്കുന്നു .....

    പക്ഷെ പ്രണയത്തിന്റെ പാരഷൂട്ടില്‍ ഇതില്‍ പാരഷൂട്ടില്‍ എന്നെ പ്രയോഗം മാത്രം ഒരു ശ്രദ്ധിക്കു ...അത്ര കണ്ടു അങ്ങ് നന്നായില്ല ...

    ReplyDelete
  18. നല്ല കവിത. ആശംസകളോടേ

    ReplyDelete
  19. thank you very much എന്ന് ആരും എഴുതിക്കണ്ടില്ല, എല്ലാരും ആവോളം പ്രണയിച്ചവരായിരിക്കും! മനോഹരമാണ് വരികൾ! പ്രണയം അറിഞ്ഞ ഒരാളാണ് ഭാനു.

    ReplyDelete
  20. pranayikkaathavar pranayichu thudangatte..... aashamsakal....

    ReplyDelete
  21. http://paribhaasha.blogspot.com/2011/04/blog-post_27.html
    ഇതും കൂടെ ചേര്‍ത്ത് വായിക്കാം .

    ReplyDelete
  22. രണയമേ
    നിന്നെ അറിയാത്തവര്‍ക്ക്
    ഞാന്‍ ഏഴു വര്‍ണ്ണങ്ങള്‍ കൊടുക്കാം.
    ചാലിച്ചു ചാലിച്ച്‌
    നൂറു നൂറു പൂക്കളില്‍
    നൂറു നൂറു നിറം പൂശി
    പുലരിയെ കൊതിപ്പിച്ചുകൊള്ളട്ടെ.

    ഞാന് കൊതിക്കുന്നു,ഈ കവിത കണ്ടിട്ട്

    ReplyDelete
  23. പ്രണയിക്കാത്തവരോടല്ലേ ...
    സമാധാനമായി, ഞാന്‍ ആ ഗണത്തില്‍ പെടില്ലാ ....
    എന്തായാലും കവിത ഇഷ്ടായി....

    ReplyDelete
  24. കാലം മുഴുവന്‍ ഒരൊറ്റ നിമിഷത്തിലേയ്ക്ക് ചുരുങ്ങി
    ഇരുളില്‍ നമ്മുടെ ചുംബനം ഇടിമിന്നല്‍ പൊലെ തിളങ്ങി
    ആ ഗുഹ ബോധിയായി.
    എനിക്ക് പ്രണയത്തിന്റെ വെളിപാടുണ്ടായി'.
    -സച്ചിദാനന്ദന്‍ (പ്രണയ ബുദ്ധന്‍)

    ReplyDelete
  25. പ്രണയമാണഖിലസാരമൂഴിയില്‍ :)

    ReplyDelete
  26. മിഴി തുറക്കുവിൻ...
    പ്രണയത്തിന്റെ ആകാശക്കുടയില്‍
    വിപത്ക്കാലങ്ങള്‍ക്ക് മേല്‍
    പറന്നിറങ്ങുവിൻ...

    ReplyDelete
  27. പ്രണയം പ്രണയം ആയിതന്നെ നിൽകട്ടെ.പ്രണയവും ജീവിതവും വേർതിരിക്കുപ്പോൾപ്രണയവും ജീവിതവും മരിക്കും.ആശംസകൾ

    ReplyDelete

Post a Comment

Popular posts from this blog

ആരാണ് രക്തസാക്ഷി?

പ്രണയം വിപ്ലവമാണ്

സ്നേഹം എന്നാല്‍ എന്താണ്?