മഴയില്‍ കുതിര്‍ന്നു കുതിര്‍ന്ന് ...

അങ്ങനെ ഇരിക്കുമ്പോള്‍
ആകാശത്ത്
മഴക്കാറ് നിറയണം
അപ്പോള്‍ കല്ല്യാണിയുടെ പശു
കയറു പൊട്ടും പോലെ
കരയണം
തള്ളക്കോഴി എന്റെ സ്വൈരത്തിലേയ്ക്ക്
കുഞ്ഞുങ്ങളേയും കൊണ്ടു
കൊക്കി കൊക്കി വന്നിരിക്കണം.
കാറ്റ് പുരുഷേട്ടന്റെ വാഴത്തല ഒടിച്ച്
എന്റെ അരികില്‍ വന്നു നുള്ളണം
മഴ അപ്പോള്‍ തോരാതെ തോരാതെ പെയ്യും
പൊത്തുകളില്‍ വെള്ളം നിറയുമ്പോള്‍
തവളയും പിന്നാലെ ചേരയും ഇഴഞ്ഞുവരും
ഭരണകൂടവും വിപ്ലവവും
ഈശലില്‍ നനയുമ്പോള്‍
ലെനിനെ ഞാന്‍ അടച്ചുവെയ്ക്കും.
ഇലക്കുട ചൂടി ബീഡി പുകച്ചു കൂനിക്കൂടി പോകുന്ന
അയ്യപ്പേട്ടന്റെ കയ്യീന്ന്
ഒരു പുക വാങ്ങും.
കടുപ്പത്തില്‍ ചൂടുള്ള ചായയുമായി
അമ്മ വന്നെങ്കില്‍ എന്നു
ഞാന്‍ വെറുതെ കൊതിച്ചു പോകും.
മഴ അപ്പോഴും പെയ്തുകൊണ്ടിരിക്കണം
പറമ്പും മുറ്റവും മഴയില്‍ നിറയണം
മഴത്തുള്ളികള്‍ ഉമ്മവെക്കുന്ന
സംഗീതം മാത്രം
കേട്ടു
കേട്ട്
ഞാനൊന്ന് മയങ്ങും.
അപ്പോള്‍ മണ്‍ചുമര്‍ കുതിര്‍ന്നു
എന്റെ വീട് മണ്ണിലേക്ക് മടങ്ങണം എന്നു പറയും
പതുക്കെ
വളരെ പതുക്കെ
ഞാന്‍ മഴയുടെ
അവസാന ചുംബനം ഏറ്റുവാങ്ങും.

Comments

  1. മഴ പെയ്യട്ടെ ആരെയും വേദനിപ്പിക്കാതെ...നഷ്ടങ്ങള്‍ വരുത്താതെ ...മഴ മോഹങ്ങള്‍ അസ്സലായി

    ReplyDelete
  2. മഴ ഇവിടെ പെയ്തു കൊണ്ടേ ഇരിക്കുന്നു. മഴ മഴ കുട കുട
    മഴ കവിത കൊള്ളാം.

    ReplyDelete
  3. മഴ അങ്ങിനെയാണ്
    കുളിരായ് വന്നു, കാറ്റായ്‌ തഴുകി, കൊടുങ്കാറ്റില്‍ ഉലച്ച്
    നമ്മില്‍ നാമറിയാതെ മാറ്റങ്ങള്‍ വരുത്തി കടന്നു പോകുന്നു....

    ആശയം നന്ന് .....ആശംസകള്‍

    ReplyDelete
  4. ഈ മഴക്കവിത ഞങ്ങളിൽ കുളിർ കോരുന്നു...
    പണ്ടെങ്ങോ കണ്ടു മറന്ന മഴ മഴ മഴ മഴ....
    പണ്ടു ഞാനും അനുഭവിച്ചിട്ടുണ്ട് ഈ മഴ മോഹങ്ങളത്രയും...!
    ആശംസകൾ...

    ReplyDelete
  5. മഴയുടെ വരവിനെ ശരിക്കും റിയലിസ്റ്റിക് ആയി , വ്യത്യസ്തമായി വരച്ചു. ഇഷ്ടമായി.

    ReplyDelete
  6. Started with a Mohanikrishnan stile nostalgia. But It developed further more from there which indeed expected from you.

    ReplyDelete
  7. ദൈവമേ..ഇന്നെനിക്കൊരു കവിത മനസ്സിലായി. ഇതൊന്നാഘോഷിക്കണം

    ReplyDelete
  8. ഗ്രാമീണതയും ഗ്രഹാതുരത്വവും ഉണര്‍ത്തുന്ന മഴ! മഴ പെയ്യുന്നതിന്റെ തൊട്ടുമുന്‍പ് വീശിയടിക്കുന്ന തണുത്ത കാറ്റും, ചന്നംപിന്നം പെയ്യുന്ന മഴയും.. അതൊരു വല്ലാത്തൊരു അനുഭൂതി തന്നെ. ഒരു മൂളിപ്പാട്ടും പാടി, മഴയുടെ നേര്‍ത്ത സംഗീതവും ആസ്വദിച്ച് മൂടിപ്പുതച്ച്‌ കിടക്കാന്‍ തോന്നുന്നു. പാട്ടുപാടി മഴ പെയ്യിപ്പിക്കുന്നതു പോലെ കവിത എഴുതി മനസ്സില്‍ മഴ പെയ്യിപ്പിച്ചിരിക്കുന്നു.

    മഴപെയ്തു മാനം തെളിഞ്ഞ നേരം
    തൊടിയിലെ തൈമാവിന്‍ ചോട്ടില്‍

    ഒരു കൊച്ച് കാറ്റേറ്റ് വീണ തേന്‍ മാമ്പഴം
    ഒരുമിച്ച് പങ്കിട്ട കാലം
    ഒരുമിച്ച് പങ്കിട്ട ബാല്യകാലം....

    ReplyDelete
  9. മഴമോഹങ്ങള്‍ ഇഷ്ടായി.. നല്ല ചിന്ത... ആശംസകള്‍.

    ReplyDelete
  10. ഈ മഴയില്‍ നനഞ്ഞു കുതിര്‍ന്നു ഞാനും എന്‍ കൊച്ചു മോഹങ്ങളും കടലാസു വഞ്ചി പോലെ ഒഴുകി ഒഴുകി ....

    ReplyDelete
  11. മഴ പെയ്തുപെയ്ത് സമസ്തരേണുക്കളിലും നിറഞ്ഞു കുളിർന്ന് അവസാനം, അവസാന ചുംബനം ഏറ്റുവാങ്ങിയപ്പോൾ പക്ഷേ പൊള്ളിപ്പോയി. ഗംഭീരായി.

    ReplyDelete
  12. നല്ല മഴ പെയ്യുന്നുണ്ട് ഭാനു, ഇവിടെ.

    എന്നാലും അവസാന വരിയിലെത്തിയപ്പോ...

    ReplyDelete
  13. ഒരു മഴ പെയ്തു തോർന്നു.. ഞാനും ആകെ നനഞ്ഞു

    ReplyDelete
  14. മണ്‍കുടിലിലെ ദരിദ്രന്റെ മഴക്കാഴ്ച അത്ര സുന്ദരമാകില്ലല്ലോ.
    എന്റെ സ്നേഹിതര്‍ക്കു നന്ദി. ഈ നല്ല വായനക്ക്.

    ReplyDelete
  15. ദുരിതങ്ങളില്ലാത്ത മഴ പെയ്യട്ടെ...

    ReplyDelete
  16. അങ്ങനെ ഇരിക്കുമ്പോള്‍
    ഞാന്‍ ഈ കവിത വായിച്ചു
    അത് കൊണ്ട് തന്നെ
    ആകാശത്ത്
    മഴക്കാറ് നിറയുന്നത്‌ അറിയുന്നു

    ReplyDelete
  17. നല്ലൊരു മഴ അനുഭവിച്ചത് പോലെ. ഹായ്, ഈ ഭാവനയ്ക്ക് പ്രണാമം.

    ReplyDelete
  18. മണ്ണ് പോലെ , മരം പോലെ മഴയെ ആഗ്രഹിക്കുന്ന മനസ്സിന്‍റെ കാത്തിരിപ്പുകള്‍ വളരെ മനോഹരമായി വരച്ചിട്ടു.അഭിനന്ദനങ്ങള്‍

    ReplyDelete
  19. മഴ അപ്പോഴും പെയ്തുകൊണ്ടിരിക്കണം....................നന്നായി

    ReplyDelete
  20. ഇവിടെയും അവിടെയും മഴയാണ് .അവിടുത്തെ മഴയും ഇവിടുത്തെ മഴയും വ്യത്യസ്തമാണ്.മഴയെ ഓര്‍ത്തതിന് നന്ദി.

    ReplyDelete
  21. മഴ കവിത ഇഷ്ടമായി..കണ്ണടച്ച് ഈ മഴയെ അറിയുന്നു ഞാന്‍.ദാരിദ്ര്യത്തില്‍ മഴയ്ക്ക്‌ ഈ പറയുന്ന ഭംഗിയൊന്നും ഇല്ല.ചോര്‍ന്നൊലിക്കാത്ത വീടും, മൂന്ന് നേരം ആഹാരവും കിട്ടുമ്പോള്‍ മഴയുടെ ഭംഗി ആസ്വദിക്കാം അല്ലെ.അല്ലാത്തപ്പോള്‍ മഴക്കാലം ദുരിത കാലമാണ്.

    അവസാന ഭാഗം..വേണ്ട ട്ടോ ..ഉം

    ReplyDelete
  22. ആഹാ…ഒരു മഴ നനഞ്ഞത് പോലുണ്ട്..

    ReplyDelete
  23. നൊസ്റ്റാള്‍ജിയ പുതപ്പിച്ച് കൊണ്ട് നടക്കുന്ന മഴ ചിലപ്പോഴെങ്കിലും അത്ര സുഖമുള്ള ഒന്നായിരിക്കില്ല അല്ലേ..കവിത നന്നായി..!

    ReplyDelete
  24. മനോഹരമായിട്ടോ.. മഴമോഹങ്ങള്‍.. ലളിതം.. പക്ഷെ മനസ്സിലെവിടെയോ ഈ കവിത സ്ഥിരമായി കുടിയിരുന്നു കഴിഞ്ഞു.. :)

    ReplyDelete
  25. മഴത്തുള്ളികള്‍ ഉമ്മവെക്കുന്ന
    സംഗീതം മാത്രം
    കേട്ടു
    കേട്ട്
    ഞാനൊന്ന് മയങ്ങും.

    ReplyDelete
  26. മഴ മനസ്സിലും തണുപ്പുപടർത്തുന്നു. സ്വപ്നങ്ങളേയും വാരിപ്പുണർന്ന് തണുപ്പിന് കൂട്ടായി അങ്ങനെ...

    ReplyDelete
  27. >>ഞാന്‍ മഴയുടെ
    അവസാന ചുംബനം ഏറ്റുവാങ്ങും.<<

    ഞാനും.....

    ReplyDelete
  28. മഴ കവിതയ്ക്ക് മനോഹാരിത കൂട്ടുന്നു എന്ന് പറയാറുള്ളത് ശരിയാണ് എന്ന് ഇത് വായിക്കുമ്പോള്‍ ഓര്‍ക്കുന്നു.നല്ല രചന

    ReplyDelete
  29. നനഞ്ഞു നനഞ്ഞു ഞാനുമിവിടെ ഇത്തിരിനേരം... ഒരു പെരുമഴ പോലെ മനോഹരം!

    ReplyDelete
  30. കലക്കി, ഈ ശരിക്കും ഗൃഹാതുരത്വമുണർത്തുന്ന മഴക്കവിത. സോ സിംപിൾ. ഭാനുവേട്ടാ അഭിനന്ദനങ്ങൾ.

    ReplyDelete
  31. ee mazhakku thaalam vere..manoharamayirikkunnu.

    ReplyDelete

Post a Comment

Popular posts from this blog

പ്രണയം വിപ്ലവമാണ്

ആരാണ് രക്തസാക്ഷി?

സ്നേഹം എന്നാല്‍ എന്താണ്?