പരിണാമ മുക്തി

അങ്ങനെയിരിക്കെ
എല്ലാ പരിണാമങ്ങളുടെയും അധിപതിയും
അധീശനും ആയ
ചാൾസ് ഡാർവിൻ തിരുമേനി
കല്‍‌പ്പിച്ചനുഗ്രഹിച്ചതിന്‍ പ്രകാരം
എന്റെ കൈകാലുകള്‍
ശരീരത്തിനകത്തേക്ക് കയറിപ്പോയി.
ശരീരം നീണ്ടു കുറുകി
ഇഴജന്തുവിനെപ്പോലെ
പുളഞ്ഞു നടന്നു.
അപ്പോഴാകട്ടെ
കൊടിയ വിശപ്പുതുടങ്ങി.
തിന്നുകയും ഉറങ്ങുകയുമായി
എന്റെ ഇഷ്ട വിനോദം.
പാചകം ചെയ്തതും അല്ലാത്തതും തിന്നു തീര്‍ത്തു.
പിന്നെ പുസ്തകങ്ങള്‍,
പാത്രങ്ങള്‍,
കിടക്ക, കട്ടില്‍, മേശ, കസേര...
എന്റെ വിശപ്പ്‌ മാറിയില്ല.
വീട് ഒരു വശം മുതല്‍ അനായാസമായി തിന്നു തീര്‍ത്തു.
എന്റെ വിശപ്പ്‌ മാറിയില്ല.
തെങ്ങും കവുങ്ങും തിന്നു.
വീട്ടുകാരെയും നാട്ടുകാരെയും തിന്നു.
തളിരില കരണ്ടുതിന്നുന്ന പുഴുവിനെപ്പോലെ
ഗ്രാമം ഞാന്‍ ആവേശത്തോടെ തിന്നു തീര്‍ത്തു.
പുഴയില്‍ ചുണ്ട് ചേര്‍ത്തു ഒന്ന് ആഞ്ഞു വലിച്ചു.
എന്റെ ദാഹം തീര്‍ക്കാന്‍ മതിയാകാത്ത പുഴ
വയറ്റില്‍ കിടന്നു വറ്റിയുണങ്ങി.
ഗ്രാമങ്ങളെ തിന്നു തിന്ന്
ഞാന്‍ നഗരങ്ങള്‍ക്ക് നേരെ വായ്‌ തുറന്നു.
മുഴുത്ത മുട്ടനാടിനെ തിന്നും പോലെ
നഗരം എന്റെ അണപ്പല്ലില്‍ കിടന്നു ഞെരിഞ്ഞു പൊടിഞ്ഞു.
എനിക്കിനി ഒന്ന് ഉറങ്ങണം
നാളെ അയല്‍ രാജ്യങ്ങള്‍ തിന്ന് തീര്‍ക്കാനുള്ളതാണ്.
ഉപ്പുചേര്‍ത്ത സമുദ്രം കുടിച്ച് വറ്റിക്കണം.
പുതിയ രുചികള്‍ ആസ്വദിക്കുവാനുള്ള
തൃഷ്ണ എന്റെ കണ്ണുകളില്‍ മുഴച്ചു നിന്നു.
വിശന്നു വലഞ്ഞ വ്യാഘ്രം
വയറ്റില്‍ അലമുറയിട്ടു.
ഒന്നുറങ്ങിയാല്‍
എനിക്ക് ചിറകു മുളക്കും.
അപ്പോള്‍ പറന്നു പറന്നു ചെന്ന്
ആകാശവും മേഘങ്ങളും തിന്നാം,
പിന്നെ സൂര്യചന്ദ്രന്മാരെയും
നക്ഷത്രങ്ങളെയും തിന്നാം.
ഉന്നതങ്ങളില്‍ ഇരിക്കുന്നവനെ
നിനക്ക് സ്തുതി.
നിന്റെ കാരുണ്യമില്ലാതെ
ഒരില പോലും അനങ്ങുകയില്ല.

Comments

  1. തിന്നിട്ടും തിന്നിട്ടും എന്റെ ആര്‍ത്തി ഒടുങ്ങുന്നില്ലല്ലോ ദൈവമേ ...

    ReplyDelete
  2. മനുഷ്യമനസ്സിന്റെ ആര്‍ത്തി നന്നായി വരഞ്ഞിട്ട വരികള്‍ ഇഷ്ടായീ ഭാനൂ....

    ReplyDelete
  3. ആർത്തി ഭൂതം.....അത് എത്ര വാരിത്തിന്നാലും മതിയാവാത്ത ഒന്നു തന്നെ......വരികൾ ഇഷ്ടപ്പെട്ടു കേട്ടോ.

    ReplyDelete
  4. പരിണാമത്തിന്റെ എല്ലാ ഘട്ടത്തിലും ജീവികള്‍ക്ക് ആക്രാന്തം ഇല്ലായിരുന്നോ?വിഭവ ചൂഷണവും അതിനു സൗകര്യം ചെയ്തു കൊടുത്തവരും എന്നും ഉണ്ടായിരുന്നു.
    പ്രകൃതിയുടെ ചൂഷണം അധികാരികളുടെ അറിവോടെ അവരുടെ സംരക്ഷണയില്‍ എന്നത് ഉള്‍ക്കൊള്ളുന്നു.
    നല്ല വരികള്‍

    ReplyDelete
  5. പേടിപ്പെടുത്തുന്നു.

    ReplyDelete
  6. പരിണാമത്തിൽ നിന്ന് മുക്തി ലഭിക്കുക തന്നെ ചെയ്യും മനുഷ്യന് ഇങ്ങനെ ആർത്തി കാണിച്ചാൽ. പ്രകൃതിയെ, കൂട്ടുകാരെ അയൽ രാ ജ്യങ്ങളെ പ്രപഞ്ചത്തെ- എല്ലാം തീർക്കുന്ന ബുഭുക്ഷ! നന്നായി കവിത.

    ReplyDelete
  7. പ്രപഞ്ചശക്തിയെ കീഴടക്കാന്‍ കൊതിക്കുന്ന മനുഷ്യന്‍റെ നിസ്സഹായാവസ്ഥയെ കവിത പ്രകാശം പോലെ പ്രതിഫലിപ്പിക്കുന്നു. വിത്യസ്തമായ വീക്ഷണം.നല്ല ആഖ്യാനം.

    ReplyDelete
  8. ഇതൊരു വല്ലാത്ത ആര്‍ത്തി തന്നെ !

    ReplyDelete
  9. എന്നത്തേയും പോലെ ഭാനു നന്നായി കവിത...ആര്‍ത്തി ഒടുങ്ങുന്ന കാലം അത് വരുമോ??

    ReplyDelete
  10. ഭാനു ....ഈ കവിതയില്‍ പറയുന്ന വിഷയം നന്നായിര്‍ക്കുന്നു പക്ഷെ ഇതിലെ വിവരണം കുറച്ചു നീണ്ടു പോയി ..കുറച്ചു കൂടി കാച്ചി കുരുകി എങ്കില്‍ നന്നാകുമായിരുന്നു എന്ന് തോനുന്നു ( ഇത് ഒക്കെ തന്നെ ആണ് എന്റെയും പ്രശ്നം ).കവിതയില്‍ നല്ല തുടക്കവും കിട്ടി പിന്നെ എന്തോ ...

    ReplyDelete
  11. ഇതെല്ലാം പ്രതിപാദിക്കുന്ന പുസ്തകങ്ങള്‍ ആണോ തിന്നു തീര്‍ക്കുന്നത്. വായിച്ചിട്ടും വായിച്ചിട്ടും അടങ്ങാത്ത തൃഷ്ണ എഴുതി എഴുതി തീര്‍ക്കൂ.

    ReplyDelete
  12. ഭാനു നന്നായിട്ടുണ്ട് ,,സമാനമായ ഒന്ന് അല്പം കൂടി കുറഞ്ഞ വാക്കുകളില്‍ ഇവിടെയുണ്ട് http:// ..നോക്കൂ ..:)

    ReplyDelete
  13. ഈ അധിനിവേശത്തെ ചെറുക്കാന്‍ ഏതായുധത്തെയാണ് ഉയര്‍ത്തേണ്ടത്..?

    ReplyDelete
  14. സത്യം. തിന്നിട്ടും തിന്നിട്ടും ഒടുങ്ങാത്ത ഈ ആർത്തി...

    ReplyDelete
  15. ആര്‍ത്തിയുടെ പാരമ്യം,
    പരിണാമത്തിന്റെ ദശകളിലെയ്ക്കുള്ള തിരിച്ചു പോക്ക്...
    നല്ല ആശയം.

    പക്ഷെ ഒടുവില്‍ ദൈവത്തെ കൊണ്ടുവരേണ്ടിയിരുന്നില്ല. എല്ലാം പറഞ്ഞിട്ട്, അതുകൂടി വായിക്കുമ്പോള്‍, മനുഷ്യന്റെ ആര്‍ത്തിയ്ക്കും കാരണം ദൈവം ആണെന്നല്ലേ വരുന്നത്?

    ReplyDelete
  16. ഡാര്‍വിന്‍ പ്രവചിക്കാന്‍ സാതിക്കാതെ പോയ മനുഷ്യന്റെ മറ്റൊരു രൂപ ബാവത്തിലെക്കുള്ള പരിണാമം , നന്നായിട്ടുണ്ട്

    ReplyDelete
  17. പെരുമ്പാവൂരില്‍ നിന്ന്‌ ഒരു സമ്പൂര്‍ണ്ണ വെബ്‌ മാഗസിന്‍ വരുന്നൂ. ഇലോകംഓണ്‍ലൈന്‍.കോം.

    സര്‍ഗ്ഗാത്മകതയുടെ ഈ സൈബര്‍ ലോകത്തിലേയ്ക്ക്‌ സ്വാഗതം..

    കൂടുതല്‍ വിവരങ്ങള്‍ വരുംദിനങ്ങളില്‍ http://perumbavoornews.blogspot.com ല്‍ നിന്ന്‌ ലഭിയ്ക്കും.

    ReplyDelete
  18. മനസ്സിന്‍റ വിശപ്പ്..ആര്‍ത്തി..

    ReplyDelete
  19. ഭാനു നന്നായിരിക്കുന്നു
    കൃത്യമായ കാഴ്ചകള്‍ രാഷ്ട്രീയം
    (ഈ വായനക്കാരെ സമ്മതിക്കണംമനുഷ്യരുടെ ആര്‍ത്തി മണ്ണാങ്കട്ട )

    ReplyDelete
  20. @ നാമൂസ്
    ചോദ്യം പ്രസക്തമാണ് നാമൂസ്. പക്ഷേ അത് ഒറ്റവാക്കില്‍ വിശദീകരിക്കുക വയ്യ. അധികാരത്തിന്റെ ചരടുകള്‍ അത്ര ലളിതമല്ല. ഇറോം ശര്‍മ്മിളയുടെ സമരം പരിഹാരമില്ലാതെ വര്‍ഷങ്ങള്‍ നീണ്ടു നില്‍ക്കുകയും ഹസാരെയുടെ സമരം വലിയ വാര്‍ത്താ പ്രാധാന്യം നേടുകയും ചെയ്യുന്നതിലൊക്കെ ഈ ചരടുകളുടെ സമര്‍ത്ഥമായ ഇടപെടലുകള്‍ ഉണ്ട്. വളണ്ടിയര്‍ സംഘടനകളുടെ അരാഷ്ട്രീയ സമരങ്ങളെ മനസ്സിലാക്കണമെന്നുണ്ടെങ്കില്‍ മേധാപട്ക്കരുടെ നര്‍മദാ ബചാവോ ആന്തോളന് എന്തു സംഭവിച്ചു എന്നു പരിശോധിച്ചാല്‍ മതി. ഭരണകൂടത്തിന്റെയും സാമ്രാജ്യത്തത്തിന്റെയും ചൂഷണം വളരെ ആസൂത്രിതവും സംഘടിതവും ആണെന്നിരിക്കെ പ്രതിരോധവും അതേ രീതിയില്‍ ആകാതിരിക്കുക വയ്യ. അധികാരത്തെ ചോദ്യം ചെയ്യാത്ത ഒരു സമരവും ഭരണകൂടത്തിനു പ്രശ്നമാവുകയില്ല. ഊന്നല്‍ കൊടുക്കേണ്ടുന്ന ഏറ്റവും വലിയ കാര്യം ജനങ്ങളാണ് സമരം ചെയ്യേണ്ടത്. സംഘടനകളോ നേതൃത്വങ്ങളോ കോണ്‍ട്രാക്ടിംഗ് വ്യവസ്ഥയില്‍ നടപ്പിലാക്കെണ്ടുന്ന ഒന്നല്ല പ്രതിരോധം.

    ഏത് ആയുധവും പ്രതിരോധത്തില്‍ ഉപയോഗിക്കപ്പെടാം. അത് കാലവും സമയവും അനുസരിച്ചായിരിക്കും നിര്‍ണ്ണയിക്കപ്പെടുക.

    ReplyDelete
  21. @ സോണി
    ഇവിടെ കൈകാലുകള്‍ ഇല്ലാത്ത ഉണ്ണുകയും ഉറങ്ങുകയും ചെയ്യുന്നവന്റെ കീഴ്പ്പെടുത്തലിനെയാണ് ഞാന്‍ വിശദീകരിക്കാന്‍ ശ്രമിക്കുന്നത്. അത് വേണ്ടത്ര വായനക്കാരില്‍ എത്താത്തത് എന്റെ കുറ്റം തന്നെ. ലോകം മുഴുവന്‍ ആധിപത്യത്തില്‍ അമര്‍ന്ന് നാശത്തിലേക്ക് നിപതിക്കുമ്പോഴും ദൈവശാസ്ത്രം ഉന്നതങ്ങളിലിരിക്കുന്നവനെ സ്തുതിച്ചുകൊണ്ടിരിക്കുന്നു.

    ReplyDelete
  22. കുറവുകളുള്ള മനുഷ്യന്റെ അടങ്ങാത്ത ആർത്തി....

    ReplyDelete
  23. നല്ല ആശയം. മനുഷ്യണ്റ്റെ ആര്‍ത്തി ഭീതിജനകമാം വണ്ണം വലുതായിരിക്കുന്നു. ഇതിനൊരന്തമുണ്ടോ എന്ന് ചോദിക്കാന്‍ തോന്നും വിധം.

    ReplyDelete
  24. വരാന്‍ വൈകിപ്പോയി ..ആശയം വളരെ നന്നായി ..ഒന്നുകൂടെ ആറ്റി കുറുക്കാമായിരുന്നു എന്നെനിക്കും തോന്നി
    പോസ്ടിയാല്‍ അറിയിക്കുമല്ലോ

    ReplyDelete
  25. ഇവിടെ എത്താന്‍ വൈകി .കവിത വായിച്ചപ്പോള്‍ ഒരു കഥ ഓര്‍മവന്നു.ഭൂമി, ഓടിയോടി കിട്ടുന്നേടത്തോളം അളന്നെടുക്കാന്‍ പറഞ്ഞ രാജാവിന്‍റെ കഥ.അവസാനം ആര്‍ത്തിയടങ്ങാത്ത ആ മനുഷ്യന്‍ തളര്‍ന്നു വീണു മരിച്ച ആ കഥ.
    പ്രകൃതി ചൂഷണത്തിന്‍റെ വര്‍ത്തമാന സാഹചര്യങ്ങള്‍ ഭംഗിയായി വരച്ചു കാണിക്കുന്നു കവിത.വളരെ ഇഷ്ടപ്പെട്ടു.അഭിനന്ദനങ്ങള്‍ !

    ReplyDelete
  26. സ്വാര്‍ത്ഥത മൂലമല്ലേ ആര്‍ത്തി ഉണ്ടാകുന്നത്?
    അപ്പോള്‍ ശരിക്കും വില്ലന്‍ മനുഷ്യന്റെ സ്വാര്‍ത്ഥത അല്ലേ ?

    ReplyDelete
  27. @sunil maloor :വായനക്കാരന്റെ ചിന്തയെയും കാഴ്ചയെയും അതിന്റെ വഴിക്ക് വിട്ടേക്ക് മാഷേ
    ചവറയില്‍ ഉണ്ടാക്കിയ കയര്‍ ഉല്‍പ്പന്നം ഏതോ പ്രദര്‍ശനത്തില്‍ കണ്ട വിദേശിയുടെ ശ്രദ്ധ അതില്‍ പറ്റിപ്പിടിച്ചിരുന്ന തിളങ്ങുന്ന വസ്തുവില്‍ പതിഞ്ഞതും അയാള്‍ അത് കൊണ്ട് പോയി പരിശോധിച്ഛതുമാണ് അവിടെ വിലപിടിപ്പും ഉപയോഗവുമുള്ള ലോഹമണല്‍ കണ്ടെത്താനും IRE ഉണ്ടാകാനും കാരണം എന്ന് വായിച്ചിട്ടുണ്ട്. ഓരോരുത്തരും അവരവര്‍ക്ക് താല്പര്യമുള്ളത് കണ്ടോട്ടെ ....
    ഒന്നും കാണാതിരിക്കുന്നതിനേക്കാള്‍ നല്ലതാണല്ലോ എന്തെങ്കിലും കാണുന്നത്.

    ReplyDelete
  28. എനിക്കും തിന്നാന്‍ തോന്നുന്നു . ഞാനും ഇതില്‍ നിന്ന് മുക്ത്തയല്ല .

    ReplyDelete
  29. ഒടുങ്ങാത്ത ആര്‍ത്തിയുള്ള ഒരേയൊരു മൃഗം ഏത്...?

    ReplyDelete
  30. വായനക്കും അഭിപ്രായങ്ങള്‍ക്കും സ്നേഹത്തിനും എല്ലാവര്ക്കും നന്ദി.

    ReplyDelete
  31. ഒരു പുരയുണ്ടായിരുന്നത് വിട്ടുതിന്നു ,പത്തു പറക്കു നിലമുണ്ടയിരുന്നതും വിറ്റു തിന്നു ,പെറ്റ തള്ളയെ ചുട്ടു തിന്നു .എന്നിട്ടും തീരാത്ത വിസപു
    കട്ട് തിന്നു തീര്കണം --- എന്ന് പണ്ട് എം പി നാരയ ണപിള്ള പറഞ്ഞത് ഓര്‍ത്തുപോയി ,മനോഹരമായ കവിത .

    ReplyDelete
  32. പിന്നെ ബിലാത്തി മലയാളിയിലെ ഇയാഴ്ച്ചത്തെ വരാന്ത്യത്തിൽ ഇത്തവണ ഈ പോസ്റ്റിന്റെ ലിങ്ക് കൊടുത്തിട്ടുണ്ട് കേട്ടൊ ഭായ്.

    ഇവിടെ നോക്കണേ

    https://sites.google.com/site/bilathi/vaarandhyam

    ReplyDelete

Post a Comment

Popular posts from this blog

ആരാണ് രക്തസാക്ഷി?

പ്രണയം വിപ്ലവമാണ്

സ്നേഹം എന്നാല്‍ എന്താണ്?