ഒരു കൂണ്‍ ചെടി പറയുന്നു

കടലുപോല്‍ ഇരമ്പുന്ന മനസ്സെങ്കില്‍ എത്റ നല്ലത്?
കടലില്‍ തിരകളും, 
ആഴങ്ങളില്‍ വിശപ്പും,
കുതിപ്പുമുണ്ടാകും.
മരുഭൂമിപോല്‍ വരണ്ട  മനസ്സെങ്കില്‍ എത്റ നല്ലത്?
മരുഭൂമിയില്‍ മുള്‍ച്ചെടികളും, 
ദാഹവും,
പ്രതീക്ഷകളുടെ നിശ്വാസവുമുണ്ടാകും.

ആകാശം പോലെ ഞാനൊന്ന് വിയര്ത്തിരുന്നുവെങ്കില്‍-
എനിക്കൊന്നു അലറിക്കരയാമായിരുന്നു...

എന്റെ തൊലി 
ഉണങ്ങിയ മരം പോലെ.
കീറുകയോ കത്തിക്കുകയോ എന്തുമാകാം.
നിന്റെ മഴു എന്നെ വേദനിപ്പിക്കയില്ല.
നിന്റെ തീ എന്നെ ദഹിപ്പിക്കയില്ല.

എന്റെ ചോര
ഞാന്‍ പിന്നിട്ട വഴികളില്‍ 
വീണുണങ്ങിക്കഴിഞ്ഞു.
ഇപ്പോള്‍ അവിടമാകെ
ചുവന്ന കൂണുകള്‍ പൊന്തിയിരിക്കുന്നു.
ഓരോ കൂണിനും ഓരോ മുഖമാണ്.
എന്നെ പിച്ചിയെറിഞ്ഞവരുടെ
മുഖം.

ഞാനും
നിനക്ക് രുചിക്കാന്‍ മാത്രം
പാകം വന്ന ഒരു കൂണ്‍.
വിഷക്കൂണ്‍ ആകും മുമ്പേ പറിച്ചെടുത്ത് കൊള്‍ക.

Comments

  1. എല്ലാ അവസ്ഥകളിലും നമുക്ക് ആകാനാവുന്നതും ആഗ്രഹിക്കുന്നതുമായ എന്തൊക്കെയോ ഉണ്ട്.
    തിരിച്ചറിവുകളിലും നിസ്സഹായമായ മനസ്സ്‌.
    കൈവിടലിന്റെ നിരാസത്തിന്റെ നിസ്സഹായതയുടെ
    ആത്മസമര്‍പ്പണത്തിന്റെ നേരിയ സംതൃപ്തി ...
    നല്ലെഴുത്തുകള്‍ക്ക് അഭിവാദ്യം

    ReplyDelete
  2. ഒരു കൂണിൽ, ചോരയൂറ്റിക്കുടിക്കപ്പെട്ട, ഇരമ്പങ്ങളും പ്രതീക്ഷകളും അവസാനിച്ച ഒരുവളുടെ ജീവിതം ഭാനു കണ്ടപോലെ തോന്നി. നന്നായി കവിത,

    ReplyDelete
  3. ഞാനും
    നിനക്ക് രുചിക്കാന്‍ മാത്രം
    പാകം വന്ന ഒരു കൂണ്‍.
    വിഷക്കൂണ്‍ ആകും മുന്‍പേ പറിച്ചെടുത്ത് കൊള്‍ക.
    മറ്റുള്ളവര്‍ക്കായ് എന്തെങ്കിലുമൊക്കെ മാറ്റിവയ്ക്കാന്‍ കഴിയുക മഹാഭാഗ്യം തന്നെ...
    പക്ഷെ ആ കരുതല്‍ താന്‍ തന്നെ നഷ്ടപ്പെടും എന്നതിലേക്കാവരുത് ,....

    ReplyDelete
  4. മറ്റുള്ളവര്‍ക്കായി സ്വയം സമര്‍പ്പിക്കുന്ന ജീവിതങ്ങള്‍ക്കായി....!

    ReplyDelete
  5. കൂണ് പോലെ മുളച്ചു പൊന്തി ചീഞ്ഞുപോകുന്ന മനുഷ്യ ജീവിതഗാഥ.ആഖ്യാന മനോഹരം.

    ReplyDelete
  6. കൂണിന്റെ ആത്മഗതം നന്നായി

    ReplyDelete
  7. ഈ വരികള്‍ ചേര്‍ത്ത് വെക്കുന്നു
    മറ്റുള്ളവര്‍ക്കായി സ്വയം സമര്‍പ്പിക്കുന്ന ജീവിതങ്ങള്‍ക്കായി....!

    There is no other word than that one.

    ReplyDelete
  8. ഒന്നോ രണ്ടോ ദിവസത്തെ ആയുര്‍ദൈര്‍ഗ്ഘ്യമുള്ള കൂണുകള്‍

    ReplyDelete
  9. എന്റെ തൊലി
    ഉണങ്ങിയ മരം പോലെ.
    കീറുകയോ കത്തിക്കുകയോ എന്തുമാകാം.
    നിന്റെ മഴു എന്നെ വേദനിപ്പിക്കയില്ല.
    നിന്റെ തീ എന്നെ ദഹിപ്പിക്കയില്ല.

    ജീവിതത്തില്‍ ആരെങ്കിലും തോല്‍പ്പിക്കാന്‍ ശ്രമിച്ചാല്‍ നമ്മള്‍ തോല്‍ക്കുമാ
    ആരെങ്കിലും പരാജയപെടുത്തിയാല്‍ നമ്മള്‍ പരാജയപെടുമോ?
    ഇല്ല ഒരിക്കലുമില്ല

    ReplyDelete
  10. അപ്പോള്‍ ആകാശം വിയര്‍ക്കുന്നതാണല്ലേ മഴ?
    - ഏറ്റവും ഇഷ്ടമായത് ഈ ഇമേജാണ്.

    ReplyDelete
  11. ഇപ്പോള്‍ അവിടമാകെ
    ചുവന്ന കൂണുകള്‍ പൊന്തിയിരിക്കുന്നു.ചിലതെല്ലാം ചുമപ്പു പോയി വെളുത്തു വിളറി

    ReplyDelete
  12. ഇങ്ങനെ ജീവിക്കാനാകുമോ? കടലും മരബൂമിയും അല്ലാന്നു പറഞ്ഞങ്ങിലും എല്ലാമാകുന്നത് കണ്ടു...നല്ല കവിത. ആശംസകള്‍..

    ReplyDelete
  13. മറ്റുള്ളവര്‍ക്കായി സ്വയം സമര്‍പ്പിക്കുന്നതല്ലല്ലോ... അനുവാദം ചോദിക്കാതെ മറ്റുള്ളവര്‍ എടുക്കുന്നതല്ലേ !!
    സ്വയം സമര്‍പ്പിക്കുന്നതെങ്കില്‍ നിരാശയുടെ സ്വരം ഉണ്ടാവില്ല !
    കവിത ഇഷ്ടായി മാഷേ...

    ReplyDelete
  14. ഞാനും
    നിനക്ക് രുചിക്കാന്‍ മാത്രം
    പാകം വന്ന ഒരു കൂണ്‍.
    വിഷക്കൂണ്‍ ആകും മുമ്പേ പറിച്ചെടുത്ത് കൊള്‍ക.

    വിഷക്കൂണുകള്‍ ആയിത്തീരുമോ നമ്മള്‍ എന്നും പേടിക്കണം,ല്ലേ.

    'ഓരോ കൂണിനും ഓരോ മുഖമാണ്.
    എന്നെ പിച്ചിയെറിഞ്ഞവരുടെ
    മുഖം.'
    എന്നതിനു ശേഷം ഞാനും ഒരു കൂണാണു എന്നു പറയുമ്പോള്‍....അല്പം തകിടം മറിച്ചില്‍ തോന്നി. എന്റെ മനസ്സിലാക്കല്‍ കുഴപ്പമാണോ എന്നറിയില്ല.

    ReplyDelete
  15. ആകാശം പോലെ ഞാനൊന്ന് വിയര്ത്തിരുന്നുവെങ്കില്‍-
    എനിക്കൊന്നു അലറിക്കരയാമായിരുന്നു...
    ഇഷ്ടായി

    ReplyDelete
  16. ഭാനു മാഷേ, ഈ കവിതയെ വിലയിരുത്താന്‍ ഞാന്‍ ആളല്ല..പക്ഷെ , നെഞ്ചു വിങ്ങുന്നൊരു നെടുവീര്‍പ്പ് എന്നില്‍ നിന്നും ഉയര്‍ന്നു പൊങ്ങി ഇത് വായിച്ചപ്പോള്‍..പിന്നെ മുകില്‍ പറഞ്ഞ സംശയം എനിക്കും ഉണ്ട്.ആശംസകള്‍..

    ReplyDelete
  17. ഞാനും
    നിനക്ക് രുചിക്കാന്‍ മാത്രം
    പാകം വന്ന ഒരു കൂണ്‍.
    വിഷക്കൂണ്‍ ആകും മുമ്പേ പറിച്ചെടുത്ത് കൊള്‍ക.

    ഈ വരികള്‍ എനിക്ക് നന്നായി ഇഷ്ടപ്പെട്ടു.എങ്കിലും മുകില്‍ ഉന്നയിച്ച പ്രശ്നംഉണ്ട്.
    മറ്റൊരു കാര്യം.
    താഴെയുള്ള അറിയിപ്പ് ശ്രദ്ധിക്കുമല്ലോ.
    സഹകരണം പ്രതീക്ഷിക്കുന്നു.

    സൃഷ്ടികള്‍ ക്ഷണിക്കുന്നു
    ഇ ലോകം ഓണ്‍ലൈന്‍.കോം എന്ന പേരില്‍ ആരംഭിക്കുന്ന വെബ്പോര്ട്ടിലേക്ക് സര്‍ഗ്ഗ രചനകള്‍ ക്ഷണിക്കുന്നു.കഥ, കവിത,എന്നിവയ്ക്ക് പുറമേ സിനിമ,സംഗീതം തുടങ്ങിയ എന്ത് വിഷയങ്ങളെപ്പറ്റിയും എഴുതാം.സൃഷ്ടികള്‍ ഇ മെയിലിലും തപാലിലും അയയ്ക്കാം.രചനകള്‍ക്കൊപ്പം പൂര്‍ണ്ണമായ വിലാസവും ഫോണ്‍ നമ്പറും രചയിതാവിന്റെ പാസ്പോര്‍ട്ട് സൈസ്‌‌ ഫോട്ടോയും വേണം.
    വിലാസം:എഡിറ്റര്‍
    ഇ ലോകം ഓണ്‍ലൈന്‍‍.കോം
    പി.ബി.നമ്പര്‍-48
    ഔഷധി ജംഗ്ഷന്‍
    കോര്‍ട്ട് റോഡ്‌
    പെരുമ്പാവൂര്‍-683 542
    Email: mail@elokamonline.com
    Website: www.elokamonline.com

    Ph: 0484-2591051, 9020413887 , 9961258068 , 9539008659

    ReplyDelete
  18. @മുകിൽ said...
    @SHANAVAS said...
    @മനോജ്‌ വെങ്ങോല said...
    എന്നെ നശിപ്പിച്ചവരുടെ നിഴല്‍ എന്നിലും എന്റെ രക്തത്തിലും മുറിവുകളിലും ഒക്കെ പതിഞ്ഞു കിടക്കുന്നു എന്നാണ് അര്‍ത്ഥമാക്കിയത് .
    വളര്‍ച്ചയോ വികാസമോ ഇല്ലാത്ത ഇപ്പോള്‍ മാത്രം ഭക്ഷിക്കാന്‍ ഉതകുന്ന ഒന്നാണല്ലോ കൂണ്‍. നാളെ അത് വിഷമായി തീരും. വിഷമാകും മുന്‍പേ നശിപ്പിച്ചു കൊള്ളാന്‍ ആണ് പറയുന്നത്. പലരും അതിലെ പ്രതിഷേധം വായിച്ചില്ല. സമര്‍പ്പണം എന്നൊക്കെ അല്ലേ പലരുടെയും വായന. എന്തു ചെയ്യും :( എഴുതിയവന്റെ കുറ്റം തന്നെ ആണ്.

    ReplyDelete
  19. ക്രൂരമായ ജീവിത സാഹചര്യങ്ങളിൽ നിസ്സഹായനായി നോക്കി നിൽക്കേണ്ടി വരുന്ന അവസ്ഥ... മിണ്ടാൻ ഉണ്ടെങ്കിലും മിണ്ടാൻ വയ്യ.... കിടിലൻ ആയിട്ടിണ്ട്ട്ടാ

    ReplyDelete
  20. എന്റെ തൊലി
    ഉണങ്ങിയ മരം പോലെ.
    കീറുകയോ കത്തിക്കുകയോ എന്തുമാകാം.
    നിന്റെ മഴു എന്നെ വേദനിപ്പിക്കയില്ല.
    നിന്റെ തീ എന്നെ ദഹിപ്പിക്കയില്ല.

    ReplyDelete

Post a Comment

Popular posts from this blog

പ്രണയം വിപ്ലവമാണ്

ആരാണ് രക്തസാക്ഷി?

സ്നേഹം എന്നാല്‍ എന്താണ്?