കുര്‍ളയിലെ ശവങ്ങള്‍
ജോലി കഴിഞ്ഞര്‍ദ്ധരാത്രിയില്‍
കുര്‍ള സ്റ്റേഷനില്‍
പാളം മുറിച്ചു കടക്കവേ
എന്നുമോരോ ശവങ്ങള്‍
അംഗങ്ങള്‍ മുറിഞ്ഞവ
ചതഞ്ഞവ ചോരതെറിച്ചവ
ആണാകാം പെണ്ണാകാം
ആരുമായാലെന്താ ശവങ്ങളല്ലേ
വീട്ടിലെത്തി കുളിച്ചുണങ്ങും വരെ
ഓരോ ശവവും എന്റെ ചുമലേറി
ഓരോ കഥ പറയും
കഥകളില്‍ കദനങ്ങള്‍ കനവുകള്‍
പ്രേമം, കാമം, കുശുമ്പ്‌, കുന്നായ്മ...
ഗതികെട്ട്‌ ഒരിക്കല്‍ ഞാനൊരു ശവത്തോടാരാഞ്ഞു-
എന്റിഷ്ടാ, നീയ്യെന്താ വേതാളമോ?
ശവം കുടുകുടാ ചിരിച്ചു
പിന്നെ
എന്റെ തോളില്‍ നിന്നിറങ്ങി
തലകുമ്പിട്ട്‌ ഇരുട്ടിലേക്കിറങ്ങിപ്പോയി
ഇപ്പോഴും
ആ ശവച്ചിരി എന്റെ കാതിലിരിക്കുന്നു
ആ ശവഗന്ധം ശ്വാസത്തിലിരിക്കുന്നു
ആ ശവച്ചോര ചുമലിലൂടൊഴുകുന്നു
ഇപ്പോഴും എപ്പോഴും...
കുര്‍ള സ്റ്റേഷനില്‍
പാളം മുറിച്ചു കടക്കവേ
എന്നുമോരോ ശവങ്ങള്‍
അംഗങ്ങള്‍ മുറിഞ്ഞവ
ചതഞ്ഞവ ചോരതെറിച്ചവ
ആണാകാം പെണ്ണാകാം
ആരുമായാലെന്താ ശവങ്ങളല്ലേ
വീട്ടിലെത്തി കുളിച്ചുണങ്ങും വരെ
ഓരോ ശവവും എന്റെ ചുമലേറി
ഓരോ കഥ പറയും
കഥകളില്‍ കദനങ്ങള്‍ കനവുകള്‍
പ്രേമം, കാമം, കുശുമ്പ്‌, കുന്നായ്മ...
ഗതികെട്ട്‌ ഒരിക്കല്‍ ഞാനൊരു ശവത്തോടാരാഞ്ഞു-
എന്റിഷ്ടാ, നീയ്യെന്താ വേതാളമോ?
ശവം കുടുകുടാ ചിരിച്ചു
പിന്നെ
എന്റെ തോളില്‍ നിന്നിറങ്ങി
തലകുമ്പിട്ട്‌ ഇരുട്ടിലേക്കിറങ്ങിപ്പോയി
ഇപ്പോഴും
ആ ശവച്ചിരി എന്റെ കാതിലിരിക്കുന്നു
ആ ശവഗന്ധം ശ്വാസത്തിലിരിക്കുന്നു
ആ ശവച്ചോര ചുമലിലൂടൊഴുകുന്നു
ഇപ്പോഴും എപ്പോഴും...
തീര്‍ച്ചയായും ഓരോ ആത്മഹത്യയിലും ഓരോ നീണ്ട കഥകളുണ്ടാവും
ReplyDeleteപ്രേമത്തിന്റെ കാമത്തിന്റെ കുശുബിന്റെ ..ഒരുപാടു ചോദ്യങ്ങള്‍ ബാക്കിയാക്കി
വേതാളം പോലെ ...
നന്നായി സുഹൃത്തേ ..ആശംസകള്‍
നന്ദി
ശവങ്ങളല്ലേ,ശവങ്ങള്‍
ReplyDeleteവീട്ടിലെത്തി കുളിച്ചുണങ്ങും വരെ ...
ആരുമായാലെന്താ, ശവങ്ങലല്ലേ.
ReplyDeleteശവങ്ങള്‍ക്കും ക്ഷമ നശിച്ചു.
നല്ല വരികള്‍ .ഒരു ശവവാഹകന്‍റെ ജീവിതാനുഭവങ്ങള്‍ മുന്നില്‍ തെളിഞ്ഞു വരുന്നു..
ReplyDeleteഅതെ, ശവങ്ങള്‍ക്ക് ആണും പെണ്ണുമില്ല എന്നാണ്, പക്ഷെ എന്നാലും....
ReplyDeleteഅപ്പോള്‍ ആ വേതാളത്തിനു ശേഷം പിന്നീട് ഒന്നും വന്നില്ലേ?
എന്തൊക്കെ ആയാലും ജീവിച്ചിരിക്കുന്നവരേക്കാള്‍ മരിച്ചവര്‍ക്ക് കൂടുതല്‍ പറയാനുണ്ടാവും.
വീട്ടിലെത്തി കുളിച്ചുണങ്ങും വരെ ...
ഉറങ്ങുംവരെ എന്നാണോ ഉദ്ദേശിച്ചത്?
കുളിച്ചു ഉണങ്ങും വരെ എന്നുതന്നെ. അത് വരെ ആ ആത്മാവ് എന്നെ പൊതിഞ്ഞതുപോലെ തോന്നും.
Deleteഓരോ മനുഷ്യ ജീവിതങ്ങളും കഥകള്‍ ആണ്
ReplyDeleteഓരോ ജീവിതം അവാസനിക്കുംപോയും ഓരോ കഥ തുടങ്ങുക ആയി എല്ലാം കഴിഞ്ഞ കഥ
കുര്‍ള എന്നും ഒരു ശവ കോട്ടയില്‍ പോയത്
ReplyDeleteപോലെയുള്ള ഒരു പ്രതീതി ജനിപ്പിക്കും
റെയില്‍ പാളം മുറിച്ചു കടക്കവേ
ഒരുപാട് ശവങ്ങള്‍ നമ്മളെ പൊതിയും
വര്‍ഷങ്ങളുടെ കഥകള്‍ കുറച്ചുസമയം കൊണ്ട് പറഞ്ഞു
വീടുവരെ പിന്തുടരും
വീട്ടിലെത്തി കുളിച്ചുണങ്ങും വരെ
ഓരോ ശവത്തിന്റെയും നാറ്റം
ഞാനും മരിച്ചു പോയോ എന്ന് തോനിപ്പിക്കും....
ശരിയാണല്ലോ.....
ReplyDeleteവേതാളം കഥ ചൊല്ലിച്ചൊല്ലി....
ReplyDeleteറെയില്‍പാളങ്ങളില്‍ ,റോഡില്‍ ,നടപ്പാതകളില്‍ ....ശവങ്ങളുടെ പ്രേതഗര്‍ജ്ജനം !അധികവും ഇരകളുടെതാവാം.അനാഥരുടേതാവാം...നമ്മുടെ ജീവിതങ്ങളെ കീറിമുറിക്കുന്ന വിലാപങ്ങള്‍...
ReplyDeletesarikkum ner kaazhcha
ReplyDeleteഞാനിതു കോണ്ടാ അധികമോന്നും പുറത്ത് പൊകാത്തത്.എന്തിനാ..നമ്മൾ ആയിട്ടു..
ReplyDeleteനല്ല പോസ്റ്റ്..
ഭാവുകങ്ങൽ...നേരുന്നു..
....പൈമ....
ശവഗന്ധം മൂക്കിലടിക്കുന്നു,ജീവിതത്തിന്റെ ഹതാശമായ മുഖം കവിതയിൽ പൊങ്ങിവരുന്നു. നല്ല കവിത.
ReplyDeleteനന്നായി എഴുതി ആശംസകള്‍
ReplyDeleteവായിച്ചു ഞടുങ്ങി......
ReplyDelete