ചന്ദ്രശേഖരന്‍ (മരണം തോല്‍വിയല്ല)



ഒരുവനെ കൊല്ലാന്‍ 
അമ്പത്തൊന്നു വെട്ടുകള്‍ -
ഓരോ വെട്ടിലും അവന്റെ ജീവന്‍ പിടഞ്ഞെണീറ്റുവോ-
ഓരോ വെട്ടിലും നിന്നെ ഭീതിപ്പെടുത്തും വിധം 
അവന്‍ പുഞ്ചിരിച്ചുവോ?
ഒറ്റിക്കൊടുത്തത് കൂടെ നടന്നവര്‍,
കൂടെ ഉണ്ടവര്‍.
വെട്ടുമ്പോള്‍ കഴുത്തിലോ 
നെഞ്ചിലോ വെട്ടാമായിരുന്നില്ലേ?
നെഞ്ചകം പിളര്‍ന്നു 
നിന്നെ സ്നേഹിച്ച 
ഹൃദയം തുരന്നെടുക്കാമായിരുന്നില്ലേ?
അപ്പോഴും  നിന്നെ സ്നേഹത്തോടെ 
സഖാവേ എന്നു വിളിക്കുമായിരുന്നല്ലോ.
ചതിയിലും ഇല്ലേ ചില നേരുകള്‍-
രക്തത്തില്‍ കുളിച്ചൊരു സൂര്യനായി
പ്രിയ സഖിക്കുമ്മവെക്കുവാന്‍
പ്രിയ സഖാക്കള്‍ക്ക് വിടചൊല്ലുവാന്‍
മുഖമെങ്കിലും ബാക്കി വെക്കാതെ
വെട്ടി നുറുക്കിയതിന്‍ പൊരുളെന്ത്,
കണ്ണുകള്‍ തുരന്നെടുത്തെന്നും
കഴുത്തറുത്തെന്നും ചുട്ടുകൊന്നെന്നും കേട്ടുകേള്‍വിയുണ്ട്‌.
പ്രിയ സഖാവേ...
ശത്രുവിന്റെ ചങ്കില്‍
കഠാരയായി ചോരവാര്‍ന്ന നിന്റെ മുഖം.
ചാന്ദ്രബിംബം പോലെ
രക്തസാക്ഷി സ്തൂപങ്ങള്‍ക്കുമേലെ
ചന്ദ്രശേഖരന്‍.

[സഖാവ് ചന്ദ്രശേഖരന്റെ രക്തസാക്ഷിത്വം സഖാവ് വര്‍ഗ്ഗീസിന്റെയും രാജന്റെയും ഒക്കെതന്നെ രക്തസാക്ഷിത്വങ്ങള്‍ പോലെ കേരള രാഷ്ട്രീയത്തിലെ ഉണങ്ങാത്ത മുറിവായി എന്നും അവശേഷിക്കും. പുതിയ തലമുറ വേട്ടക്കാരുടെ കോട്ടകള്‍ തകര്‍ക്കും വരെ പൊരുതുന്ന ജനത സ്വയം തിരിച്ചറിയും വരെ...]

Comments

  1. [സഖാവ് ചന്ദ്രശേഖരന്റെ രക്തസാക്ഷിത്വം സഖാവ് വര്‍ഗ്ഗീസിന്റെയും രാജന്റെയും ഒക്കെതന്നെ രക്തസാക്ഷിത്വങ്ങള്‍ പോലെ കേരള രാഷ്ട്രീയത്തിലെ ഉണങ്ങാത്ത മുറിവായി എന്നും അവശേഷിക്കും. പുതിയ തലമുറ വേട്ടക്കാരുടെ കോട്ടകള്‍ തകര്‍ക്കും വരെ പൊരുതുന്ന ജനത സ്വയം തിരിച്ചറിയും വരെ...]

    ReplyDelete
  2. വേട്ടക്കാരുടെ കോട്ട എന്നെങ്കിലും തകരുമോ? വേട്ടക്കാര്‍ കൂടുതല്‍ ശക്തന്മാര്‍ ആകുന്നു, എണ്ണം പെരുകുന്നു, ക്രൌര്യം ഏറുന്നു, എസ്റ്റാബ്ലിഷ്ഡ് ആകുന്നു, ഭരണത്തിലേറുന്നു, വിപ്ലവകാരികളാകേണ്ടുന്ന യുവത്വങ്ങള്‍ വേട്ടയെ ന്യായീകരിക്കുന്നു, എതിര്‍പക്ഷക്കാര്‍ രാഷ്ട്രീയമൈലേജ് മാത്രം നോക്കുന്നു. ബുദ്ധിജീവികള്‍ മൌനം ഭജിക്കുന്നു, മരിക്കുന്നവര്‍ കുറഞ്ഞ നാളുകളില്‍ മറക്കപ്പെടുന്നു, ശിക്ഷകള്‍ ലളിതമാകുന്നു, കുറ്റം ചെയ്തവരെ രക്ഷിക്കാന്‍ എല്ലാരും സംഘം ചേരുന്നു. ഭാനു, വര്‍ഗീസും രാജനുമൊക്കെ മരണത്താല്‍ സമൂഹത്തില്‍ എന്തെങ്കിലും ക്രിയാത്മകമായ മാറ്റം ഉണ്ടാക്കിയോ? നഷ്ടപ്പെട്ടത് അവര്‍ക്ക് മാത്രമല്ലേ? അവരുടെ കുടുംബത്തിനല്ലേ? വര്‍ഗീസ് മരിച്ചതുകൊണ്ട് ഞാന്‍ നല്ലൊരു മനുഷ്യനായി എന്ന് പറയുന്ന ഒരാളുണ്ടോ? രാജന്‍ മരിച്ചതുകൊണ്ട് ഞാന്‍ സമൂഹത്തിന് പ്രയോജനമുള്ള ഒരു മനുഷ്യനായി എന്ന് പറയുന്ന ഒരാള്‍ ജനിച്ചുവോ? പിന്നെ ഒരു ന്യായീകരണം അല്ലെങ്കില്‍ വരട്ടുവാദം: അവരൊന്നും മരിച്ചില്ലെങ്കില്‍ ഇതിലും മോശമായിരുന്നേനെ നമ്മുടെ അവസ്ഥ എന്ന് പറയാനാകുമോ? എന്തോ എനിക്കൊന്നും വ്യക്തമാകുന്നില്ല.

    ReplyDelete
    Replies
    1. അജിത്തിന്റെ ചോദ്യങ്ങള്‍ക്ക് മറുപടി പറയണമെങ്കില്‍ പല കാര്യങ്ങളും വിശദീകരിക്കേണ്ടതായി വരും. ഒന്നുമാത്രം പറയാം. ഒറ്റതിരിഞ്ഞുള്ള ചരിത്ര വായനയില്‍ ഒന്നും മനസ്സിലാക്കി എടുക്കുവാന്‍ ആവില്ല.

      Delete
  3. ചാന്ദ്രബിംബം പോലെ
    രക്തസാക്ഷി സ്തൂപങ്ങള്‍ക്കുമേലെ
    ചന്ദ്രശേഖരന്‍.
    -അഭിവാദ്യങ്ങൾ!

    ReplyDelete
  4. പ്രിയ സഖിക്കുമ്മവെക്കുവാന്‍
    പ്രിയ സഖാക്കള്‍ക്ക് വിടചൊല്ലുവാന്‍
    മുഖമെങ്കിലും ബാക്കി വെക്കാതെ
    വെട്ടി നുറുക്കിയതിന്‍ പൊരുളെന്ത്...
    ശരിയാണു ഭാനു...ചന്ദ്ര ശേഖരന് ഒരമ്മയും ഉണ്ട്.. അതെന്തേ
    പറയാഞ്ഞത്. നൊന്തുപെറ്റ ഒരമ്മ...

    ReplyDelete
  5. പ്രിയ സഖിക്കുമ്മവെക്കുവാന്‍
    പ്രിയ സഖാക്കള്‍ക്ക് വിടചൊല്ലുവാന്‍
    മുഖമെങ്കിലും ബാക്കി വെക്കാതെ
    വെട്ടി നുറുക്കിയതിന്‍ പൊരുളെന്ത്,
    ശരിയാണ്...

    ReplyDelete
  6. എഴുതിയത് നന്നായി, ഭാനു. വളരെ നന്നായി.

    വേട്ടക്കാരുടെ കോട്ടകൾ തകരുമെന്നും പൊരുതുന്ന ജനത സ്വയം തിരിച്ചറിയുമെന്നും വിശ്വസിക്കാതെ സമരത്തിൽ പങ്കെടുക്കാൻ കഴിയില്ല...എന്നെങ്കിലും എവിടെയെങ്കിലും ആരെങ്കിലും എന്ന പ്രതീക്ഷയിൽ തന്നെയാണ് എല്ലാ സമരങ്ങളും മുന്നോട്ടു പോകുന്നത്.

    ReplyDelete
  7. പ്രതീക്ഷകള്‍ വറ്റിപ്പോകുന്നു ഭാനു ...
    ഒരു നല്ല നാളെയ്ക്കായി പ്രാര്‍ത്ഥിക്കാം ..പ്രയത്നിക്കാം ...
    താങ്കള്‍ നന്നായി എഴുതി ..ആശംസകള്‍

    ReplyDelete
  8. ആരാണ് കുലംകുത്തികള്‍?

    ഒരു മരമോ പുഴയോ പുഴുവോ മണ്‍തിട്ടയോ
    കരിയോ നരിയോ കാട്ടുകുരങ്ങോ കണ്ടല്‍കാടോ
    ജനിമൃതിയിലിതായിരുന്നു നിയോഗമെങ്കിലെ-
    ന്നൊരു വേള നിനക്കാതിരിക്കുന്നതെങ്ങിനെ?

    കവിതയില്‍ വിപ്ലവം വിരിയിച്ച ബാലന്
    ജീവന്റെ വഴികളില്‍ പേടിമാത്രം!
    പരിവര്‍ത്തനത്തിന്റെ നാളുകളെന്നോതി
    ചടഞ്ഞിരിക്കുന്നു ചരുവില്‍ ശോകം!
    കരിക്കും നരിക്കും കീജയ് വിളിക്കുമ്പോ-
    ലെളുപ്പമല്ലത്രെ കുമാരിമാര്‍ക്ക്!
    അപഹാസ്യരാവാതിരിക്കുവാനാ-
    യാഞ്ഞു ശ്രമിക്കുന്നുണ്ടാനന്ദസ്കറിയക്കൂട്ടം!!
    പദവിതന്‍ വ്യാമോഹം സിരകളില്‍
    ലഹരിയായ് പതയുന്നു നുരയുന്നിതെന്തുകഷ്ടം
    പൊലിയുന്നു ഭാഷതന്‍ ശക്തിയാ-
    വേളയില്‍, മറക്കുന്നു ഭാഷയെ കുലംകുത്തികള്‍
    കുലംകുത്തിയെന്നും കുലംകുത്തിതന്നെന്ന്
    മനസ്സാലെ നാമും വിളിച്ചുപോകും

    ലേബല്‍ : കാഹളധ്വനി മുഴക്കുമെന്ന് പ്രതീക്ഷ അര്‍പ്പിച്ചവരുടെ മൌനം നിരാശപ്പെടുത്തിയപ്പോള്‍ വിരലുകള്‍ കീബോര്‍ഡില്‍ അറിയാതെ കോറിയിട്ട കൈകുറ്റപ്പാട്. തിരുത്തണം. ഒന്നുകില്‍ എനിക്കെന്നെ.. അല്ലെങ്കില്‍ ?? അല്ലെങ്കില്‍...

    ReplyDelete
    Replies
    1. Silence is a way of protest!!!! Says Perumpadavam. How about that? M.M Mani revealed a well known secret. And still Silence is the answer from the think tanks. They are not think tanks but shit tanks.

      Delete
  9. മനസ്സു ചത്തെന്നു തോന്നുന്നു, ഒന്നും തോന്നുന്നില്ല. ശൂന്യതയല്ലാതെ. എവിടെയാണു നാം!

    ReplyDelete
  10. കൊലപാതക രാഷ്ട്രീയത്തിന് കേരള രാഷ്ട്രീയ ചരിത്രത്തിന്റെ അത്രയും ആയുസുണ്ട് ..പക്ഷെ രാഷ്ട്രീയ കൊലപാതകം കേരളത്തില്‍ പുതിയ സംഭവം അല്ലാത്തത് കൊണ്ട് തന്നെ പലരും അതിനെ ന്യീകരിക്കാറുണ്ട് എന്നാല്‍ തോളോട് തോളുരുമി നടന്നവര്‍ തന്നെ
    ഒരാളെ മൃഗീയാമായി ( ആ വാക് ഉപയോഗിക്കാന്‍ പാടില്ല ) അത് കൊണ്ട് തന്നെ പൈശാചിക്കമായി അറുത്തു ചോര കുടിക്കുന്ന ഈ പുതിയ പ്രത്യാശാസ്ത്രത്തെ എന്തിന്റെ പേരിലായാലും ഏതു കോടിയുടെ നിറത്തിന്റെ പേരിലായാലും അനുകൂലിക്കാന്‍ മാസക്ഷി എന്ന് ഉള്ള ഒരാള്‍ക്കും സാധിക്കില്ല .

    ReplyDelete
  11. അതെ, ഉണങ്ങാത്ത മുറിവായി എന്നും അവശേഷിക്കും...

    ReplyDelete
  12. ഭാനു നന്നായെഴുതി.അഭിനന്ദനങ്ങൾ.
    പ്രകൃതിക്ഷോഭങ്ങൾ മുമ്പേയറിഞ്ഞു പ്രതികരിക്കാറുണ്ട്, ചില മിണ്ടാപ്രാണികൾ.കല്പാന്തം വന്നിട്ടും നാക്കുപണയം വച്ചിരിക്കുകയാണ്‌ നമ്മുടെ എഴുത്തുകാർ.

    ReplyDelete
  13. പ്രത്യയശാസ്ത്രത്തിനും നടത്തിപ്പ് ശാസ്ത്രത്തിനും നടുവില്‍
    അണികള്‍ പകച്ചു നില്‍ക്കുന്നു

    ReplyDelete
  14. ഭാനുവിന്റെ ശക്തമായ ഈ കവിതയ്ക്ക് അനുമോദനങ്ങള്‍ ....
    ഓരോ വെട്ടുകളും നമ്മുടെ മനസ്സാക്ഷിയുടെ മുഖത്താണ് എന്ന് വിളിച്ചോതുക കൂട്ടുകാരെ .

    ReplyDelete
  15. ഭാനുവിന്റെ ശക്തമായ ഈ കവിതയ്ക്ക് അനുമോദനങ്ങള്‍ ....
    ഓരോ വെട്ടുകളും നമ്മുടെ മനസ്സാക്ഷിയുടെ മുഖത്താണ് എന്ന് വിളിച്ചോതുക കൂട്ടുകാരെ .

    ReplyDelete
  16. കൊള്ളാം.... കൊലപാതകങ്ങൾ ഒന്നിനും ഒരു പരിഹാരമല്ലെന്നു എന്നു നമ്മുടെ രാഷ്ടീയക്കാർ തിരിച്ചറിയും? അതിനെ അന്ധമില്ലാതെ ന്യായീകരിക്കുന്ന ജനങ്ങളും....
    ആശംസകൾ

    ReplyDelete
  17. പ്രത്യയശാസ്ത്രമോ,കൊടിയുടെനിറമോ,രക്തസാക്ഷിമണ്ഡപമോ..
    ഒന്നും, ഒന്നും ഒരു താങ്ങാവില്ല ആ അമ്മയ്ക്ക്,ഭാര്യക്ക് മക്കള്‍ക്ക്..!

    എഴുത്ത് ഒരു നീറ്റലായി മാഷേ.
    ആശംസകളോടെ..പുലരി

    ReplyDelete
  18. ഈ വരികളിലെ മിനുസമൊന്നും ആ മരണത്തിനുണ്ടായിരുന്നില്ല. ചന്ദ്രശരന് രക്താഭിവാദ്യങ്ങള്‍

    ReplyDelete
  19. വാക്കുകള്‍ ഇല്ലാതെ വരുമ്പോള്‍ നിശബ്ദത മാത്രം............... പിന്നെ ബ്ലോഗില്‍ പുതിയ പോസ്റ്റ്‌...... ഇന്നലെ വേളി , ഇന്ന് മുരുക്കുംപുഴ, നാളെ.........? വായിക്കണേ...............

    ReplyDelete
  20. എന്ത് രക്തസാക്ഷിയായാലും ,
    നഷ്ട്ടം ചന്ദശേഖരന്റെ വീട്ടുകാർക്ക് തന്നെ..!

    ReplyDelete

Post a Comment

Popular posts from this blog

പ്രണയം വിപ്ലവമാണ്

ആരാണ് രക്തസാക്ഷി?

സ്നേഹം എന്നാല്‍ എന്താണ്?