Posts

Showing posts from June, 2015

മഞ്ഞ

വലിച്ചെറിഞ്ഞ റീത്തിൽ നിന്നും
പൊട്ടിമുളച്ച ചെണ്ടുമല്ലികൾ  തഴച്ചുവളർന്നു പൂവിടുമ്പോൾ  പരേതന്റെ മുഖം  മഞ്ഞച്ചിരി ചിരിക്കുന്നതുപോലെ  കാറ്റ് അതിലൂടെ കടന്നുപോകുമ്പോൾ ഒന്നു കൂവി വിളിക്കുന്നതുപോലെ  മണ്ണിന്നടിയിൽ ചില നേരമ്പോക്കുകൾ  ചികഞ്ഞെടുക്കുന്നതുപോലെ 
മഞ്ഞ മരണങ്ങൾ  വേനൽ ചില്ലകളിൽ പൂത്തു നിൽക്കുമ്പോൾ  വെയിൽക്കൊമ്പുകൾ  ഭൂമിയിൽ നിസ്ക്കരിക്കുമ്പോൾ   മഞ്ഞയായി മഞ്ഞച്ചിരികൾ മാത്രം എങ്ങും.