വെയിൽ മരം

മരുഭൂമിയിൽ നിൽക്കുന്ന മരം
അധികമൊന്നും സംസാരിക്കുന്നില്ല
വെയിൽ മൂത്ത് മൂത്ത് വരുമ്പോൾ
ചിറി കോട്ടി ഒന്നു ചിരിക്കും
മണൽക്കൂനകളെ പറത്തി വരുന്ന കാറ്റിലേക്ക്
മുനിയെപ്പോലെ നോക്കിയിരിക്കും
ഉച്ചവെയിലിൽ തളർന്നൊന്നു മയങ്ങും
മോഹിപ്പിക്കുന്ന ഏറെ കിനാവുകളൊന്നും
കൂട്ടുവരാത്ത നീണ്ട മയക്കങ്ങൾ.
ചിലനേരങ്ങളിൽ ഒരൊട്ടകം വന്ന്
തന്റെ ഇലകളിൽ കടിക്കുന്ന
കോരിത്തരിപ്പിക്കുന്ന ഒരു സ്വപ്നം കാണും,
കുളിരു കോരി എഴുന്നേൽക്കുന്പോൾ
അരികിൽ ആരും ഉണ്ടാകാറില്ല.
ഒരു ചില്ലയിൽ ഒരു പൂവിരിഞ്ഞിട്ടുണ്ടാകും,
വെയിലുമ്മകളിൽ അത് കരിഞ്ഞുപോയിട്ടുണ്ടാകും.
വെയലു പൂക്കുന്ന കാടുകളിൽ ചുറ്റിത്തിരിഞ്ഞു വരുന്ന കാറ്റു വന്ന്
ചില്ലകളിൽ ചാഞ്ഞുകിടക്കും;
എന്റെ നിശ്വാസത്തിന്റെ കുളിരേറ്റ്
ഒന്ന് നെടുവീർപ്പിട്ട്
പറന്നു പോകും

Comments

  1. ..മരുപ്പച്ചപ്പോലെ മനസ്സിനെ തണുപ്പിക്കുന്ന വരികള്‍

    ReplyDelete
  2. നന്നായിട്ടുണ്ട്
    ആശംസകള്‍

    ReplyDelete
  3. ഒരു ചില്ലയിൽ ഒരു പൂവിരിഞ്ഞിട്ടുണ്ടാകും,
    വെയിലുമ്മകളിൽ അത് കരിഞ്ഞുപോയിട്ടുണ്ടാകും.

    ReplyDelete

Post a Comment

Popular posts from this blog

ആരാണ് രക്തസാക്ഷി?

സ്നേഹം എന്നാല്‍ എന്താണ്?

പ്രണയം വിപ്ലവമാണ്