സമാഗമം

പ്രിയേ.. നിന്റെ കണ്ണുകളിൽ
നീലക്കുറിഞ്ഞി പൂത്തതും ,
കവിൾത്തടങ്ങളിൽ രണ്ടു സൂര്യന്മാർ
ഉദിച്ചു നിന്നതും
ഞാനോമനിക്കുന്ന
നിന്റെ ചുണ്ടുകളിലെ നിത്യവസന്തവും
ഒന്നുമൊന്നും ഞാൻ കണാത്തൊരു
വിസ്മയ നിമിഷമായിരുന്നു നമ്മുടെ ആദ്യ സമാഗമം.
ഓർമയുണ്ട്,
നിന്നിലേക്ക് ചാഞ്ഞു നിന്നൊരു പവിഴമല്ലി -
ഞാനതിലൂടെ ഊർന്നു വന്നു.
നിന്നിലേക്ക് ആഴ്ന്നിറങ്ങി;
തടാകം നിറയെ ലില്ലിപ്പൂക്കൾ
ചുവന്നു തുടുക്കുന്നുണ്ടായിരുന്നു.
നമ്മുടെ ചുണ്ടുകൾ കവിത നെയ്ത് കൊണ്ടിരുന്നു.
ഞാൻ നിന്റെ ഗന്ധർവ്‍വനായിരുന്നു.
പാലപ്പൂവുകൾ നമുക്ക് മീതെ വിരിഞ്ഞു നിന്നിരുന്നു.
പ്രണയമേ ഞാനോർക്കുന്നു
ഓരോ ഇടിമിന്നലിലും
നിന്റെ ഉടൽ വിറകൊള്ളുന്നത്.
ഞാനോർക്കുന്നു നാമപ്പോൾ
ഒരു നിമിഷത്തിന്റെ നേർമ്മയിൽ
പച്ചക്കരിമ്പായി വിളഞ്ഞു നിന്നത്.

Comments

  1. പ്രണയക്കമ്പം...
    ആശംസകള്‍

    ReplyDelete
  2. ആദ്യസമാഗമത്തിന്റെ ഓർമ്മയ്ക്ക്‌!!!

    ReplyDelete

Post a Comment

Popular posts from this blog

പ്രണയം വിപ്ലവമാണ്

ആരാണ് രക്തസാക്ഷി?

സ്നേഹം എന്നാല്‍ എന്താണ്?