നിന്നെ പകർത്തുന്ന ഞാൻ

ഞാൻ നിന്നെ പകർത്തുകയാണ്
ദൈവമെഴുതിയ കവിത
പകർത്തിയെഴുതുകയാണ് .
നിന്റെ മൗനത്തിൽ നിന്നും
ഞാനൊരു പാട്ട് കേൾക്കുന്നു ,
നിന്റെ കണ്ണുകളിൽനിന്നും
സമുദ്രത്തിരകൾ ഞാൻ പിടിച്ചെടുക്കുന്നു
നിന്നിലപ്പോൾ ഇല്ലിക്കാടുലയുന്നു,
നീയൊരു കഥ പറയുന്നു
ഞാനതിനെ കവിതയായി വിവർത്തനം ചെയ്യുന്നു.
നീ മുടിക്കെട്ടഴിച്ചിടുന്നു-
ഞാൻ കാട് വരക്കുന്നു
നീ നിന്റെ മുലക്കച്ചയഴിക്കുന്നു
ദാഹിച്ചുവലഞ്ഞൊരു മരുപ്പച്ചക്കുമുകളിൽ
കാർമേഘം തണൽ വിരിക്കുന്നു 
നിന്റെ പാദങ്ങൾ പറയുന്ന
ഭാഷ പഠിക്കുകയാണ്
ഞാൻ ...
നിന്റെ  വേദനയുടെ വേരുകളെ
ഞാനെന്റെ ചുണ്ടിലെ തൈലം കൊണ്ടു തണുപ്പിക്കുന്നു
എന്റെ പെണ്ണാകുന്നു നീ -
സ്വർഗ്ഗത്തിൽ നിന്നും ഇറങ്ങിപ്പോന്നവൾ
ഭൂമിയിൽ ചിതറാതെ ഒരു കൈ പിടിച്ചു നടന്നവൾ
എന്റെ ചുംബനങ്ങൾ നിന്റെ കാൽവിരൽ മുതൽ
...കത്തിപ്പടരുന്നു.

Comments

  1. കത്തിപ്പടരുന്നു...

    ReplyDelete
  2. ദൈവമെഴുതിയ കവിത
    പകർത്തിയെഴുതുകയാണ് ...


    കൊള്ളാം.
    നല്ല
    വരികൾ
    !!!. !

    ReplyDelete

Post a Comment

Popular posts from this blog

ആരാണ് രക്തസാക്ഷി?

പ്രണയം വിപ്ലവമാണ്

സ്നേഹം എന്നാല്‍ എന്താണ്?